ياساكنٍ بالمجمعة ويش الأخبار !!!

أسعدكم الله


الليلة هديتي لكم قصاصة من قصاصات جولتي الأسبوع قبل الماضي

في ربوع بلادي علها تروق لكم

ياساكنٍ(ن)بالمجمعة ويش الأخبار=كانك نسيت أنا بعد ما نسيتك
اذكرك واذكر صورتك يا بن الأحرار=وإلا نسيت إني بعيني رأيتك
ماني بناسي زين شافته الأنظار=حلمت في حسنك زمان ولقيتك
وشلون بنسى وأنت ما كنت مرار=وياليت ما في يوم قلت اهتويتك
رسمت لك صورة على القلب تذكار=تبقى معي لو غبت ثم ما لقيتك
بثيت لك صورة على كل الأقمار=أقمار فكري في فلكها حويتك
تباعدت أقدامنا والزمن دار=لأنا رويت ولا أنت مني سقيتك
وكان الغياب المر من غير معذار=ما بدها على الحكومة شكيتك
بكتب لهم وصفك على كل الأشعار=وعلى المظالم والقضاة إدعيتك
دعواي قلبي رحت به غصب وضيار=هددتني بسيوف رمش وعطيتك
وثاني دعية بدعي أنت سحار=سحرتني من عقب ماني عصيتك
ومن غير مدري صرت مشغل للأفكار=نهبت قلبي بالغرام وفديتك
أسامر لطيفك ليا وقت الأسحار=هدمت غيرك بالفؤاد وبنيتك
يشعل غرامك داخلي كنه النار=بدمع القصايد في لحوني بكيتك
يا ساكنٍ(ن)بالمجمعة بعد الأسفار=بنشد عنك وادور اهلك وبيتك
بزوركم والزين والدار تنزار=من شأن تعرف صدق حبٍ(ن)حبيتك
وليا لقيتك قلت لك كل ما صار=من حين شفتك لين جئت ولفيتك
بشرح لك القصة وبين لك أسرار=متى وكيف وليش قلبي هديتك
ياساكنٍ(ن)بالمجمعة ويش الأخبار=كانك نسيت أنا بعد ما نسيتك

وكان الغياب المر من غيـر معـذار

ما بدهـا علـى الحكومـة شكيتـك

بكتب لهم وصفك على كل الأشعـار

وعلى المظالـم والقضـاة إدعيتـك

دعواي قلبي رحت به غصب وضيار

هددتني بسيـوف رمـش وعطيتـك

وثاني دعية بدعـي أنـت سحـار

سحرتني من عقب مانـي عصيتـك

راقني جداً ما قرأت

قصيده شيقه .. إبداع لامتناهي

صح نبضك استاذي ودمت بسعادة
لك التقدير

الله الله الله

وش هذا الابداع وش وداك المجمعه

ماشافك احمد الناصر تتغزل باهل

المجمعه والا يرد عليك

صح لسانك شيخنا الفاضل والمبدع

الله يعطيك الف عافيه

لك التحيه والتقدير

تسلم ايدك ولسانك رائع ربي يسعدك

صح لسانك قصيدة وافية تعانق سماء الابداع


راقت لأبو سعد

ما شاء الله عليك



ابداع لا محدود


صح لسانك

صراحة ابداع صح لساااااااااااااااانك

صح لسانك مدد ماهو عدد ابدعت كعادتك




تقبل التحية

ماقصرت بيض الله وجهك



كنت هنااااااااااااا احترامي

لله درك ما اروعك


تبتدع الشعر وتزين قوافيه

صح لسانك مليون ولا يكفون