رسائل شعرية تهاني للعيد

خواطر شعرية

إجعل ردك شعرا وليس نثرا

تهاني للعيد

وصلني من صديق ما يلي :

ياهاتفي زف الفرح والتباشير=من خاطري اجمل جزيل السلامي
للي لهم بالقلب قيمة وتقدير=اعداد من زار الحرم والمقامي
بالعيد اهنيكم عسى عيدكم خير=تقبل الله سعيكم والصيامي
وارجو قبول التهنئية والتعابير=قبل انعدام التغطية بالزحامي

ردي عليه:

ياهاتفي افرح بعلم المسافير=اللي لهم بالفكر عالي مقامي
من بعدها رد التهاني وتكبير=بالعيد بعد الشهر كمل ختامي
خص لسفير لو دونه طوابير=قله عسى عيدك يعاد لعوامي
والمعذرة لن صار بالرد تقصير=الطيب لأهل الطيب يهدى وسامي
عساه يقبل ردنا والمعاذير=توخذ وتعطى من حشام لحشامي

صح لسانك ولسان زميلك.. وكل عام وانتم بخير ان شاءالله.

صح السانك والسان صاحبك يابن هليل . وكلكم اوفياء ولايستغرب ذلك من اهل الوفاء .
والجميع كل عام وانتم بخير.

كل عام وانتم بخير وصحه وسلامه

صح لسانك وكل عام وانت بالف خير

صح لسانك






تقديري