ياهاتفي زف الفرح والتباشير=من خاطري اجمل جزيل السلامي
للي لهم بالقلب قيمة وتقدير=اعداد من زار الحرم والمقامي
بالعيد اهنيكم عسى عيدكم خير=تقبل الله سعيكم والصيامي
وارجو قبول التهنئية والتعابير=قبل انعدام التغطية بالزحامي

ياهاتفي افرح بعلم المسافير=اللي لهم بالفكر عالي مقامي
من بعدها رد التهاني وتكبير=بالعيد بعد الشهر كمل ختامي
خص لسفير لو دونه طوابير=قله عسى عيدك يعاد لعوامي
والمعذرة لن صار بالرد تقصير=الطيب لأهل الطيب يهدى وسامي
عساه يقبل ردنا والمعاذير=توخذ وتعطى من حشام لحشامي