عندي لنور العين ذكرى وتذكار

قال الوليف اللي ذكر ماضي(ن) صار=لا واهني اللي من الهم خالي
يعيش مثلي بين سجات وافكار=يوم اكثر العربان داله وسالي
لا طاب لي وقت(ن) وقلت الفلك دار=خابت ظنوني والزمن ما صفالي
اضحك وانا قلبي على واهج النار=ما ودي الحساد تدري بحالي
يوم اتذكر صاحبي شمعة الدار=اللي فراقه بالخفا سم حالي
كفيت عن حبه وانا غير مختار=وايضا هجرني ما يدوّر بدالي
لكن تصاريف الليالي والاقدار=دنيا تفرق كل غال(ن) وغالي
مقطوع ممنوع ولا جتني اخبار=وان طالت الايام واعزتالي
عندي لنور العين ذكرى وتذكار=محفوظ عندي لو تطول الليالي
ينشل فكري بعض الاحيان واحتار=اليا ذكرته كل طار(ن) طرالي
والله لولا اني على الضيم صبّار=واخاف من هرجة عدو(ن) طوى لي
اعلنت ماخفيت والرب غفار=وغير الولي مالي من الخلق والي
والخاتمه صلوا على صاحب الغار=ماغرد القمري على راس عالي

الشاعر غير معروف

الف شكر لك على حسن الاختيار

ومن إعجابي بالقيدة نسقتها

لك

خالص تقديري

النجم
اشكرك على تنسيق القصيده
ولك كل تقديري واحترامي

الف شكر على الاختيار المميز

لك

خالص الشكر والتقدير

مرمر زمانه

مشكور على النقل المميز

لك مني خالص الشكر

وننتظر جديدك القادم

صح الله السااانك والسااان القائل

الله يعطيك العافية

لك خالص التحية