تخاريف مساء
علها تروق لكم
سـلام يـاللي دونـك بـحور الأعوام
مـاعـاد نـسـمع صـوت وإلا تـشافي
دونــك بـحـور ٍ تـكـرب لـكـل عـوام
تـكـسر مـجـاديف الـهميم الـسنافي
طـال الـغياب وشانت احلام الأيام
عـقب الـرخاء حلت سنين ٍ عجافي
الـغـيبة الـلـي مـررت حـلو الاحـلام
بـأسـبابها شـأنـت لـحـون الـقـوافي
ضاق الصدر والفكر تلعب به أوهام
مـا عـاد جـوه مـثل مـا كـان صافي
هبه عجاج الفقد من عقب الأنسام
حـل الـوجع مـن بـعد كانت عوافي
يـاشين حـال اللي تناهشه الاسقام
تـطعن شموخه مثل طعن الرهافي
الـنـوم عــاف الـعـين مـاعدت بـنام
مـدري مـرض وإلا قـلق وإنـحرافي
غـديت مـثل الـلي يـراقب للإعدام
حـكـم غـيـابي مـاحصل بـإعترافي
قـاضـيه مـا راعـى تـعاليم الإسـلام
لــكــن تـمـكـن لـلـقـضا بـإحـتـرافي
شــد الـرحـال وراح والـبـعد هــدام
وأنــا عـلـى درب الـمـواعيد حـافي
الــى مـتـى والــدرب قــدام قــدام
وأحـلامـنا مـا بـين بـاهت وطـافي
مـدري مـتى بـالدرب ترتاح الأقدام
نـقـنع بـحـظ الـعـمر ونـقـول كـافي
تــاهـت مـراسـينا وجـفـن الأقــلام
والـسقم طـال ولا حصل لي تعافي
تـعال يـاللي دونـك بـحور الأعـوام
إن كـان تـسمع صـوت وإلا تـشافي
ⒿⒶⒷⒺⓇ
التميز
الإهداءات
انا على درب المواعيد حافي
رد: انا على درب المواعيد حافي
