مساكم تخاريف شاعر
الله الله يازمان التباهي بالغراز
الغراز بعيثرانة وريحان وسكب
ماجلبناها نبوت المرابي بالحجاز
في ربوع الطائف اللي شذا زهره عجب
فيه ورد وفيه من كل مالذ وجاز
ديرة ٍ مدهال للغيث قبلة للسحب
قبل نعرف عطر باريس في جوف القزاز
عطرنا من دارنا ونتفاخر بالنسب
النوايا صافية ماش غش ٍ وابتزاز
والخطأ لو صار ينحل بسلوم العرب
ما نحسب إن الليالي يجي فيها هماز
ولا نحسب إن الأكابر تساوى بالصلب
والعشية كل واحد مجهز له جواز
ماتعرفه ماسح ٍ لحيته مع الشنب
يشبه اللي تشبهه والتشابه بإمتياز
ماش فرق ٍ بينهم كود باسمه والمصب
مير ياللي تطعم العلم خلك بإنحياز
لا تقرب من سعير اللهب وأبو لهب
مقبل الأيام تحمل لنا راس البغاز
النحاس بتالي الوقت نافس للذهب
مير من جود سلوم العرب والدين فاز
ومن تخلا طاح بالنار وعظامه حطب
ⒿⒶⒷⒺⓇ
التميز
الإهداءات
الغراز بعيثرانة وريحان وسكب !!
رد: الغراز بعيثرانة وريحان وسكب !!
