مربعة بالقلب والصيف بالعين !!!

أهديكم ما جاد به الهاجس

يا مربعة بالقلب والصيف بالعين=يحفظك ربي والسعد في شبابك
جئتي هدية عمر بالذوق والزين=العطر جوك والحلا في شرابك
فرحت بك من بد كل الملايين=والشكر للي يا هوى البال جابك
قدمت لك قلبي وشعري براهين=في كل يوم الشعر يطرق لبابك
كتبت فيك الشعر عشرة دواوين=رمز الشعور اللي دخل في حسابك
تعبير عن حبي لست المزايين=وإلا الغرام أكبر لحضرة جنابك
واليوم أشوفك من قصيدي تملين=مدري علامك ويش يا زين صابك
إن كان ودك عن حياتي تروحين=لا تكسبي ذنبي يسبب عذابك
قولي معك لو كان ودك تغيبين=لا تصدميني في نوايا غيابك
خليني أحلم وأتمناك لسنين=واقرأ عناوين الهنا في كتابك
لو كان ما أنتِ(ي)للمواجع تداوين=دعيني أطرد في زماني سرابك
أحلم بشربة منك لو كان بعدين=وأكذب على نفسي وأصدق جوابك
والأخرة مستاخرة للمهاوين=تبان فيها غلطتي من صوابك
وإن كان ودك حبل الأحلام تطوين=فديت خشمك لا يطول عقابك
توك عليَه عجلي بالسكاكين=حزي عروق القلب ما أحدٍ(ن)درا بك
إلا أنا والقلب والحب والبين=اللي تركني بالمكان وسرا بك
يا مربعة بالقلب والصيف بالعين=يحفظك ربي والسعد في شبابك

صح لساانك روعة تسلم الايادي

صح لسانك ولا هنت ابداااااع


تقبل التحية

صح لسانك قصيدة تستحق الاشادة


تقبل التحية

صح لسانك شاعرنا الرقي روعة يسلمو

صح لساااااااانك ابدااااااااااع

صح بوحك ولا فض فوك شاعرنااااااااااااااااا

رائعة من روائعك شاعرنا المبدع

ممتاز صح لسانك مليون ولا يكفون

صح لسانك ابدعت لا هنت


تقبل التحية