الزير يا هلال صوته يوم دقوبه !!!

ردي على قصيدة شاعر نجد المنشورة بالقسم شوقني الزير على الرابط

اضغط هنا لمشاهدة قصيدة شاعر نجد

الزير يا هلال صوته يوم دقوبه=أكثر قلوب العرب يا هلال يطربها
المال والجاه والمزيون مرغوبه=ما تشبع النفس منها لو تعذبـها
كلٍ(ن)مسجل محاصيله بحاسوبه=وأنته عرفت الحياة ومن تجاربها
الناس يا صاحبي غالب ومغلوبه=دنياك ما هي بتصفي لو تغالبها
تضحك وتبكي وحنا وسط غيبوبه=وأيامنا ناشبة فينا مخالبها
سفينة الحب لأهل الحب مركوبه=والموج يومي بساريها وراكبها
واللي معلق فؤاده حب رعبوبه=ما هو بمرتاح منها لو يجنبها
وإن نالها لو صفت له يوم بإعجوبه=ما كل الأيام تضحك له ويعجبها
والله يعين لمعنى راح محبوبه=النفس تجزع ليا قفوا حبايبها
الناس تمشي بدرب الود مسلوبه=حب الهوى يا هلال النفس يسلبها
يسلب عقول البشر بأفعال منكوبه=والنفس ما تنتهي والحب حالبها
طول العمر فوق عود الغي مصلوبه=ما تنتهي لين حبل الموت يجذبها
ولا كل منهو تولع نال مطلوبه=دنياك تتعب لطالبته وطالبها
تضحك لك بنيةٍ(ن)ودرة ومقلوبه=ياكثر صكاتها مدري مقالبها
لكن على قولهم دلتك مشروبه=ما يطعم لطعمها يكود شاربها
ويا حظ منهو توفق وأحسن التوبه=ريح لراسه من الدنيا وحاربها

يسرني ان اكون اول الحضور
صح لسانك استاذنا ودام نبضك وإبداعك

وهل نكتب تلك الأبجديات إلا ليقرأها من نحب ..
وهل تكون إلا متنفس لما يصول ويجول في الصدور
سلم المداد استاذي
تحياتي وتقديري

صح لسانك واعتلا شانك ابدعت كعادتك


تقبل التحية

صح لسانك دائما مميز فيما تدون


تقبل التحية

صحت السنكم صوت وصدي ابدااااع وجزالة

صح لسانك ولا هنت ابداااااااااع


جزلة من جزل

صح لسانك وبيض الله وجهك احسنت

صح لسانك قصيدة راقية تستحق الاشادة

صحت السنكم ابدااااع من الطرفين


الله يعطيكم العافية