تابع قصيدي والقصائد تخبرك

..............

حياك يامرسل رسالة بجوال=راعي وفا من ماضي الوقت خابرك
تنشد عن الأحوال يا طيب الفال=الحال لو شفته بعينك يعـورك
ودامك نشدت أنا بعلمك بالحال=تابع قصيدي والقصائد تخبرك
ترى القصائد للمحبين مرسال=لن صار من تهواه صعبٍ(ن)يناظرك
البعد يا بعد المحبين غربال=لكن قسم باللي من الحسن صورك
حلفت لك ما انساك يامشغل البال=حتى وأنا في قمة الضيق ذاكرك
أنت الهوى والحب ياعذب الأقوال=ليل ونهار وعزة الله فاكرك
ما تغيب عن فكري بمقفى ومقبال=حتى بعز النوم بالحلم محضرك
ملكتني سواة من يملك المال=في كل نبضة قبل واحساس ناثرك
هواك سوى بالحشا فيً زلزال=من ساعةٍ(ن)عبرت لي عن مشاعرك
يكبر غلاك وثائر الشوق لا زال=أكبر من اللي حاسبه جوف خاطرك
هواك بأعماقي من الجال للجال=بالمختصر حكمت بالحب شاعرك
أنا رهينك يقصر العمر وإن طال=تأمر عليً وعل ما حيً يأمرك
أمر عليً أقوال وأرد بأفعال=وأكون لك ممنون وأكون شاكرك
حياك يامرسل رسالة بجوال=راعي وفا من ماضي الوقت خابرك

صح لسانك واعتلا شانك



تقبل التحية

صح لسانك ولا هنت ابدعت وامتعت


تقبل التحية

صح لسانك واعتلا شانك قصيدة وافية

الله الله


صح لساااااااااااااااااانك

صح لسااااااااانك شاعر القوافل المبدع


موفق

صح لسانك


ابداع لا يستغرب منك

صح لساااااااااااانك ولا هان راسك


ابدااااااااااااااااع

قصيدة اكثر من رائعة صح لسااااااااااااانك

صح لساااااااااااااااانك


تقبل التحاياااااااااااا