وينك غائبة !!!

قلت:وينك غايبة لا سلام ولا كلام=الرسائل تأصلك ما يجيني ردها
كل صبح وكل ليلة مراسل السلام=تطرق أبواب التواصل وصمتك صدها
لو تقولي ليش هذا التجاهل للمقام=كان ريحت الهواجس وعرفت قصدها
قالت:الدنيا ونفسيتي ماهي تمام=الظروف تحدني والزمان يحـدها
قلت:صبرك حال الأيام ماهو مستدام=كل ضيقة شرحة الصدر تاتي بعدها
إضحكي وارمي همومك على حكم العدام=لا تشيلي هم دنيا شحيحٍ(ن)مدها
قالت:أدري عارفة بالحلال وبالحرام=مير نفسي واصل الضيق معها حدها
حايرة ما بين واقع حياتي والحلام=المشاعر بالحشا كيف أبيح سدها؟
خائفة من هرج ناسٍ(ن)يحبون الملام=عالمٍ(ن)ما ودهم غير نخطب ودها
قلت من عاين رضاهم نهايته السقام=لا تشيلي هم ناسٍ(ن)خسارة كدها
إرتقي فوق السحائب على ظهر الغمام=وإفردي للأشقر اللي يدفي بردها
إمطري شاعرك بإحساس يشعل للغرام=بالعروق اللي تعاني مواجع ودها
من سنين أنطر مجيك وعامٍ(ن)بعد عام=يمك عيوني تزايد بدربي لدها
بادريني يا سحابة ببرقك لي وسام=فوق صدري برقها والمشاعر رعدها
مرت سنينٍ(ن)طويلة مواريدي حيام=تنتظر همال غيثك وتروي وردها
ليش عني غايبة لا سلام ولا كلام=الرسائل تأصلك ما يجيني ردها

صح لسانك واعتلا شانك ابدعت لا هنت


تقبل التحية

ابداع لا يستغرب من شاعر مثلك صح لسااااااااااانك

الله الله


صح لسانك ولا هنت


احترامي

صح لساااااااااااانك

صح لساااااااااانك


تقبل التحية

صح لسانك ولا هنت



احترامي

صح لسااااااااااانك ابدااااااااااااع

صح لسااااااانك شاعرناااااا رووووعة

صح لسانك للرضا

تقبل التحية