حسبي الله فوق حظٍ(ن)حداني واحتدا=كل ما جئيت أعدل الحظ عاند ما اعتدل
بعد اللي غالي الروح لعيونه فدا=ذي ثلاث سنين مرت وشوفه ما حصـل
كل ما سويت لأجله ذهب مني سدا=وكل حالي من حياتي رحل يومه رحل
راح عني غصب ما راح عني بالقدا=آه من جرحٍ(ن)بكبدي مسويه الزعل
سمني فرقا وليفي وفرح للعدا=كن قلبي عن عروقه من الضيق إنفصل
لن ذكرت أيام حلوة قبل وقت الردا=صاب صدري ضيق ما مرني مثله جلل
وإن ذكرت لشهد ثغره مثل قطر الندا=صحت يا حظ النكد ليش تمنع للعسل
أتحسف والحسايف بكبدي تلهدا=كل ما داويت علة ظهر ثاني علل
الجروح تزيد والصبر عيا يصمدا=الظروف الكايدة زادت الطينة بلل
المسافة والزمن والعواذل والمدا=السليم من الخلل تترك بقلبه خلل
حسبي الله فوق حظٍ(ن)حداني واحتدا=كل ما جئيت أعدل الحظ عاند ما اعتدل
التميز
الإهداءات
حسبي الله فوق حظ حداني واحتدى !!!
رد: حسبي الله فوق حظ حداني واحتدى !!!
