خاطره

ودي اسمي من ذبحني غيابه=
لكن اعرف اهل الحكا مايخلون=
حتي السلام اللي يشرف جنابه=
شحيت به عشان نسلم وينسون=
شفته قبل يومين يكتب كتابه =
ياحيّ مايكتب وياحيّ هاللون=
خلاني انسا من عطاني شبابه=
اثر الهوي مثل الشياطين ملعون=
ذكره مايسلم من مقص الرقابه=
لو اذكره يخفون شمسي من الكون=
ياهل النضا ماعاد فيها طلابه=
خلوني اذبح له من الضين تكفون=
حب الشرف مافيه ذم وعيابه=
وانا من اهل الدين والناس يدرون=
حرام ينشدني واكنّ الاجابه=
تقول واليني من الانس فرعون=
الحب له عندي مقام ومهابه=
والله مافرط فيه| تثنون تشنون=
حتي نبي الله وجمع الصحابه =
ماقالو اللي في جنابي تقولون=

صح لسانك ياسعيد


ابدعت لا هنت


تقبل مروري

صح لسانك يا ابا اسماعيل

وافية من وافي

تستاهل مجاراتها


انتظرني

تم تنسيق القصيدة

صح لسانك واعتلا شانك


قصيدة رائعة


تقبل التحية

عدت لك ياأبا اسماعيل

أبيات مثل الوجبات السريعة

علها تروق لك وسوف اطرحها بالقسم مستقلة

ياسعيد خابر فيك عزم وصلابه=واليوم أشوفك تعرك الرمش والنون
تالي زمانك جاك طيش وصبابه=وشلون هذا الوضع وشلون وشلون
ماهو غريب غراب يعشق غرابه=اللي غريب الناس لونه يحبون
ياسعيد خلك ذيب مثل الذيابه=لا تروح فيها بين ميسا وميسون
الذيب لا من واق ريعٍ(ن)عوا به=واللي بهم مسٍ(ن)من الجن يعوون
يامرافقٍ(ن)للجن نار الحرابه=ما تحرق الا ناس للنار ياطون
راسك بعد لفيت فوقه عصابه=سج الركايب وانطح العال والدون
لا تشتكي ياسعيد ضيم وكأبه=ترى النشاما باللقا ما ينخون
وأهل الخيابه حظهم بالخيابه=ما كل ماهو يرتجونه ينالون
والله ما يطولون قد الذبابه=يبطون ياذيبان يبطون يبطون
الديك يذن لو عليه الجنابه=قاله بديوي قبل ما أكون وتكون

الله الله


صح لسانك ياسعيد ابدعت لله درك

وصح لسانك يا ابا حازم


رائعين صحت السنتكما

تقبلا التحية

عميد القوافل : أيها الشاعر القدير
للحق أنا مبهورة كما كنت تواقة لجمال آخر مختلف يختبئ خلف الحروف الشامخة .

صح نبضك والقلم

حُييت ياعميد القوافل ونُحيي معك استاذنا بن هليل في مجاراة رائعة
حتى اصبح صباحنا شِعراً نابضاً بالحياة وسمائنا شعر الكرام

تستحق الخمس نجوم

صح لسانك ياعميد القوافل
صادك ابوحازم وصح لسان ابو حازم
تقبلوا مني تقديري لكم

صح لسانك ياسعيد


وافية من وافي ابيض وجه

صح لسانك ياسعيد مرزوق


قصيدة راقية تستحق الاشادة


بيض الله وجهك


تقبل التحية