يااللي خذيتي القلب باالله رديه

يااللي خذيتي القلب باالله رديه = قلبي رهنته في يدينك رهانه

كنت اتمنى باالفرح دوم تسقيه = وقلبك بغيته لي يفيض بحنانه

كنت احسب انه باالمحبه يداريه = كنت احسب انه حافظ(ن) للامانه

واثره يحسب القلب لعبه باياديه = واثره يحسب الحب غدر وخيانه

مايدري اني ازعل الناس وارضيه = مايدري اني باني(ن) له مكانه

وافرح ليا جابوا لي الناس طاريه = واذوب في كلمه قالها من لسانه

اللي يريد الحب لابد يعطيه = ياخذ دروسه والعبر من زمانه

لكن بان الخافي وفيه مافيه = لاتحسبين الغدر زودة فطانه

ياشين وقت(ن)كاثرات(ن) بلاويه = خل(ن) طعن خله ومفروض صانه

هذا جزاء خافق عطيته ومهديه = لعيونك اللي شاف فيها امانه

لكن هذا اليوم يابنت بعتيه = باارخص ثمن في سوق مابه ضمانه

هذي نهاية حبنا اللي نسيتيه = وكل مخلوق(ن) يروح بشانه

اللي انكتب له درب لابد يمشيه = باالعقل نختار الدروب برزانه

يااللي خذيتي القلب باالله رديه = قلبي رهنته في يدينك رهانه

صحيت وصح لسانك


نسجت من حرفك اجمل واعذب الابيات

صح بدنك واحساسك يابو سعد وهذا من ذووووووووووووووقك

شاعرنا عبد الرحمن : رغم أن الكلام كان داكناً والإحساس موجع
إلا أن شاعريتك كانت بيضاء متجدد العطاء

صح بوحك و قلائد الياسمين لمتصفحك ..
تقديري

صح احساسك ياعبير الشوق ومرورك للمتصفح اكبر شرف دمتي ودام تشجيعك ولك خالص الاحترااااااااااااااااااااام

الشاعر المبدع عبدالرحمن

بيض الله وجهك على الابداع الشعري

الرائع والمميز قصيده معبره عن وفائك

المميز ...لك التحيه والتقدير

صح لسانك ابدعت



تقبل مروري

ابن عميش صح بدنك ووجهك ابيض والابدااااع هو تشجيعكم لي


وتقبل احترااااااااااااااامي

صح بدنك ياالمهاجر وكلك ذووووووووووووق

لك تقديري يامبدع واصل العطاء يابطل ونحن بانتظارجديدك الممتع