طعني بكلمة عابره طيرت للنوم !!!

أسعدكم الله أين ما كنتم


البارحة ما كان البال رايق فكانت هذه الأبيات

علها تروق لكم

رفيقي بلا ذنبٍ(ن )مكثر علي اللوم=جرحني بلومه ياحسافة بلا داعي
طعني بكلمة عابره طيرت للنوم=أضافت وجع ثاني على سابق أوجاعي
على قولهم ضاقت بوجهي وساع حزوم=وضاق التنفس بالصدر وأتعب أضلاعي
وأنا أشهد إن الهرج بعضه سهم مسموم=ليا صاب له غافل يعجل له الناعي
بعد عشرةٍ(ن)لأعوم ماهي مجرد يوم=يجيني يعكر صفو صيفي ومرباعي
على الهون لا تعجل تكثر حكي وعلوم=عواصف رياحك لا تمزق بها شراعي
تريث بحكمك قبل تحكم على المظلوم=ترى الظلم ظلمة والعدل نور وإشعاعي
أنا بت ليلي يارفيقي كما المكلوم=أفكر وأهوجس وأنقر إصباع بإصباعي
أفكر بهرجٍ(ن)صارفي ذنبي المعدوم=وأفكر بوقتٍ(ن)فات من عمرنا ضاعي
بعد كنت لي مثل القمر والعباد نجوم=وأنا حافظ لطبعك وكاشف لك أطباعي
تجيني على غفلة بلومٍ(ن)وأنا المليوم=تضيق علي فجاج لأحلامٍ(ن)وساعي
علاقاتنا مثل المنايا تقاد سهوم=وأنا وأنت كنا فوق لا نهبط القاعي
صفا جونا والجو لو عكرته غيوم=تزول الزوابع لا تخليك مرتاعي
عسى ودنا ياصاحبي بالحياة يدوم=كثير الملام يسم قلبي ويلتاعي
على قولهم الأمر يا لايمي محسوم=شرينا لغالي والغلا صعب ينباعي!
ترفق بحالي وإرفق بحالك المحشوم=ترى الموت مابعده ليا صار مرجاعي
رفيقي بلا ذنبٍ(ن )مكثر علي اللوم=جرحني بلومه ياحسافة بلا داعي

صح لسانك



العتاب صابون القلوب



تقبل التقدير والاحترام

يا سلام ياسلام صح لسانك للرضا ابداع شاعر

ياسلام ياسلام ياسلام

على الابداع والعتاب النقي والجميل

صح لسانك شاعرنا المميز

لك اجمل تحيه

يا سلام عليك


ابداع وليس بمسغرب

صح لسانك شاعرنا المبدع ربي يسلمك يارب

صح السانك ابو حازم . والله يعافي صاحبك اللي تسبب بولادة هذه الأبيات لنا ... وصدقني مادام اللوم من صاحب غالي . مايزعل لأنك تعرف دافع لومه الا وهي المعزه . واذكرك . بأن الصاحب مرأت صاحبه . أي صدقه قبل ان تصدق نفسك . مثال ذلك لو نظرت وجهك بالمرأه ولا حظت احمرار احد عينيك فهل تصدق المرأه ام تكذبها ؟؟؟؟؟؟؟؟؟؟؟؟؟

ياسلام
روعه صح السانك مدد بلا عدد

صح لسانك مدد



ابدعت لا هنت

الله الله ابداع صح منطوقك لا هنت تقبل خالص الود والاحترام