أسعد الله أوقاتكم
اليكم من العيديات لهذا العام
بعد مرت ثلاث أيام هذي عادة الأعياد=تغنى هاجسي والشعر بالضيقة يسليني
تذكرت الخوي اللي غيابه طال عمد عماد=يبي يحرق لدمي بالغياب ويدمع لعيني
على هونك على هونك ترى لن عودت لعناد=قساوة قلبي أقسى من صخر مايعرف الليني
أنا ماني على كيفك تحكم فيً بالإبعاد=ولاني لعبةٍ(ن)بيديك لا من شئت ترميني
أنا اللي لأجل عينه ينفرش له أحمر السجاد=ولا أذكر في زماني شيخ واحد ما يحييني
أنا اللي يفتخر بي كل من ينطق بحرف الضاد=عسى الله من عيون أهل الحسد والعين يحميني
أنا اللي تنتهي عندي علوم الطيب والأمجاد=أمد الطيب بيميني وأرد الشر بيميني
أنا اللي مايغير سيرةٍ(ن)ساروا بها الأجداد=جميع اللي تغير بالزمن ماهو بمغريني
أنا اللي ما يخالف عهد وإلا يخلف لميعاد=على نهج الكتاب وسنة المبعوث هي ديني
لساني سوط حق وساعدي سيفٍ(ن)على الإمعاد=وهذي ياخوي الدرب بعضٍ(ن)من براهيني
بعد هذا تحسبني على شأنك بقيم حداد=بعيدة عنك مهما صار لا يمكن تبكيني
تغيب أيام وإلا سنين تنقص للعمر ما زاد=لكنك ما تنقص للوفا ما بينك وبيني
وهذا ياخوي الدرب طبع يميز الأجواد=لكني مقدر أفرض طبع مثلي فوق ناسيني
عسى وقت الصفا من بعد طولت الغياب يعاد=وترجع لي مثل ما كنت في عيدي تهنيني
التميز
الإهداءات
أحمر الســــجاد !!!
رد: أحمر الســــجاد !!!
