أسعدكم الله
اليكم الأبيــــــات علها تروق لكم
يشهد الله مانسيت ولا كرهت ولا جفيت=الظروف تحدني والوقت سهلاته صعاب
ويشهد الله ما شبعت ولا رويت ولا إكتفيت=منك ياللي بالحسن نادر بتلعات الرقاب
لا تحسب إني ليامني عن العين إختفيت=طبت وإلا خاطري من شوفتك يازين طاب
ماتفارقني طيوفك صاحيٍ(ن)وإلا غفيت=ماني بداري غرامك رحمةٍ(ن)وإلا عقاب
الزمان يزين في قربك ليا منك لفيت=والزمان يشين لا من طالت أيام الغياب
كان صرت أنت وزماني صف واحد إنطفيت=الملامة ياغرامي دوم للهاوي عذاب
يا وليفي لا تزودني جروحٍ(ن)ما شفيت=مثل ما قال المثل:الرمش من بلواه شاب
حدني وقتي وغبت بسفرةٍ(ن)فيها حفيت=الجسد تعبان والأحلام مطرود السراب
ماصفا لي وقتي القاسي ولو إني صفيت=ما يطيح من السما قالوا:تلقاه التراب
كم عفيت وكم عفيت وكم عفيت وكم عفيت=مير بعض الناس قلبه أسودٍ مثل الغراب
النهاية لا تشق فتوق بعد إني رفيت=العذر يانور عيني يمسح أسباب العتاب
يشهد الله مانسيت ولا كرهت ولا جفيت=الظروف تحدني والوقت سهلاته صعاب
التميز
الإهداءات
يشهد الله مانسيت ولا كرهت ولا جفيت !!!
