نزلت أبيات بصفحة القوافل على الفيس
فرد عليها الشاعر حسن الخالدي
ولسببين رديت على رده
أولا القصيدة ليست بصفحته
وثانيا كرر القافية بالرد وهذا أمر انا شخصيا لا أحذبه بالمراد بين الشعراء
اليكم القصائد
أبياتي الأولة
ليا دقت أجراس القوافي تغنيت=ماهمني حاسد وقاصي وداني
فارس وأروض للصعيبات مازريت=الفكر فكري والفصاحه لساني
يجذب صدى صوتي لقافٍ(ن)تحديت=ماني بمن يفني حياته أماني
شعري أصيل وزان طاروقي الصيت=أختار له قافه وحلو المعاني
ماهمني من قال به كيت من كيت=هذا كلام يمرني ما رزاني
من خاف من ظله تروعه عفاريت=الرمح رمحي والطعن من سناني
إختار ما بين الحياه وتوابيت=ياللي تحسبنك عسفت الحصاني
أنا من اللي شتتوا خلق تشتيت=أهل الفصاحة بالشعر والبياني
ماني من اللي يهدم البيت بالبيت=ويا كثرهم شعار هذا الزماني
يا محرم بحجة بغير المواقيت=فعلك وقولك يا فتى ما عناني
ماني على مذهبك ياراعي الهيت=أنا على ديني بسر وعلاني
أسجد لرب العرش لله صليت=ماني بساجد للصنم يا فلاني
أسبحه وأدعيه لصبحت وأمسيت=والشكر للي للهداية هداني
رد الشاعر حسن الخالدي
في صفحتك يا..... لاقيــت عفريت=يفتــل شنب وايقول هذا مكانــي
سميت بالرحمن ثـــــــمٍٍ تعدّيت=واناحمد الله يوم ربي هــدانــــي
ماني بخرتيــتٍ ولا ولْْد خرتيــت=... يركض ورى السيّــه بليّا عــناني
ومن قال انافوق الشواهق تعليـت=قلنا صحيــح وفوق كــل المباني
انت الجـدي واسهيل وامنين حلّيت=متــــربعٍ من فوق والكــل داني
وانت البحر مليان كلك يواقيــت=وانت القمر والشمس ذرب اللساني
وحنّا لـك الله شوفة العين لا آبليت=من جملة العالم بكــل الزمـاني
الى اذن المـذن على الوقت صليت=محدن وقف ليّه ولحــدن نهـــاني
ادعي لبــو تركي بكل التواقيـت=خلّا النمر يرضـــخ بحد السنـاني
سيفٍ حصـد ارقاب كل الطــواغيت=ولا عادفيه افــلان والا فـــلاني
الشاعر حسن الخالدي
ردي على رده
ياشاعرٍ(ن)من صفحة الفيس طليت=ترمي سهومك والرمي ما وطاني
وإن كان شفتك بالصناديد هميت=جهزت لك طرقٍ(ن)من الشعر ثاني
مثل الصواعق تترك الصخر تفتيت=نار يخلي كل عال متداني
أذبح لك القعدان ماذبح كتاكيت=قالوه يا راع الهروج السماني
القاف قافي وأنت بالقاف مريت=وأخذت من قافي كلامٍ دعاني
أقول يا راع الوفا لا تسانيب=إسرق جمل وإعشق سهيل اليماني
زاد الفتى لا صار كله تحاتيت=ماهو بكاسب للسبق والرهاني
الى أذن المذن وقمت وتوضيت=أحسن صلاتك قبل فوت الأواني
لا تضيع بين إثنين صليت خليت=والا حديثك يختلط بالقرآني
كثر دعاك إن كان بالفعل زليت=لعل ربك يكرمك بالجناني
ما ينفعك ياليت ياليت ياليت=لا صرت بعد أيام مرحوم فاني
ماهو صحيح إن حيكم خير من ميت=دنيا تقلب بين عسر ولياني
راع الهمر ما يقنعه يركب ونيت=والخيل ما تقنا لجر السواني
خذها نصيحة كل مأقبلت وأقفيت=خلك حذر لا تكون كبش الطعاني
هذا جوابي جاك لن كانك أوحيت=لا تصير بالأفواه مثل اللباني
التميز
الإهداءات
أجراس القوافي !!!
رد: أجراس القوافي !!!
