شوف المصلّين كم هم في صلاة الفجر؟؟

سلام عليكم..

وكل عام وأنتم بخير

ياربّ عفوك ولطفك ياعزيز الجلال=وبدّل لنا ذنوبنا عفو ومثوبه وأجر
نهار ماتنفع الدنيا وخشم الريال=الحاكم اللّي حكم والتاجر اللّي تجر
يالادمي لا مفرّ من القبر والسؤال=مير أزجر النفس عن فعل المعاصي زجر
لا دكُّت الأرض وأمسنّ الرواسي هيال=يالله لاتجعل لنا على جهنّم مجر
ومن واقع الوقت وأحداث الزمن والليال=الصادق اللّي صدق والفاجر اللّي فجر
يامكثر أحلامنا لكنّها من خيال=وقلوبنا من ورق وعقولنا من حجر
كنّا على منهج الإسلام مضرب مثال=واليوم تاريخنا فينا مسبب ضجر
حتى النصيحه ليا قدّمتها للرجال=كنّك مثل من يبيع التمر لاهل هَجَر
والحال يرثى لها ولا وراء الحال حال=دامت صلاة الفجر صرنا نهجرها هجر
وتبي تعرف إن واقعنا ردّي لايزال=وإن المعاصي هبايب والاوادم شجر
شوف الجماهير لا لعب النصر والهلال=وشوف المصلّين كم هم في صلاة الفجَر؟!

أخوكم /عيضه الثبيتي
4/ذي الحجه/1432هــ

صح لسانك مدد


قصيدة راقية وهادفة بيض الله وجهك

صح منطوقك اخوي



قصيدة روعة ربي يسلم مرك يا رب

صح لسانك


ابدعت وامتعت لله درك

الشاعر العلم


عيضه الثبيتي


صح لسانك مليون ولا يكفون قصيدة راقية برقيك

صح لسانك وفيت وكفيت وليس بمستغرب الابداع منك



تقبل التحية

صح لسانك واعتلا شانك



قصيدة تستحق الاشادة وفقك الله

يا سلام يا سلام



صح لسانك قصيدة معبرة لله درك

لله درك ياشاعر ثبيت قصيده فعلا تستحق الاشاده والوقوف عندها اجلالا وتقديرا تقبل تقديري

صح لسانك والله معبرة الله يرحمنا برحمته



تقبل التقدير