سجنتني ما بين رجواك والياس !!!

مساءكم / صباحكم خير


الأبيات بدون مقدمات

ياصاحبي منهو من الناس شاغلك=واشغلتني لا أشوف غيرك من الناس
نست نفسي وإنشغلت بمشاغلك=وهبتك الأحلام ياعذب الأنفاس
مارضى زعل وأخاف من شي يزعلك=طبعي كذا مخلوق من جنس حساس
حتى على الغلطات ماني معاملك=أقول لك مرتاح والفكر محتاس
أغار من ذاتك لذاتك تبدلك=أغار من كحلك وعقدٍ(ن)من الماس
أغار من حلمٍ(ن)بفكرك يجادلك=وأغار لا حاكيت بالناس جلاس
كثرت بروحي ياغناتي مداهلك=سجنتني ما بين رجواك والياس
أصارع جروحي وتقطع وأواصلك=لأجل رضاك القلب بالصبر ينداس
جامل وأنا مثلك بساير وأجاملك=لكن حدود مجاملي رافع الراس
والا سلام الباب ماهو بسايلك=وأنا ليا قفيت ماقلت لا بأس
تلقا بدربك خير من مالك الملك=اللي مسير كل ماكان بقياس
ياصاحبي منهو من الناس شاغلك=واشغلتني لا أشوف غيرك من الناس

مصافحة اولى



صح نبضك وكلك ابداع لله درك قصيدة رائعة بروعة شاعريتك

صح الله لسااااااااانك

قصيده متلبس الابداع والتميز

الله يعطيك العافية

تقبل تحياااااااااااااااااتي الخااااااااااااااااااااصة

تسلم يمينك وصح منطوقك



ابعدت فيما نظمت وفقك الله

صح لسانك شاعرنا المبدع ربي ما يحرمنا منك لك خالص الود

ياسلام عليك



صح لسانك مليون ولا يكفون



لك خالص التحية

صح لسانك للرضا




وفيت وكفيت لك التحية

الله الله صح لسانك مليون ولايوفون..

صح لسانك مدد ماهو عدد


ابدعت لا هنت

صح منطوقك يالمبدع قصيدة رائعة لله درك