السلام عليكم ورحمة الله وبركاته
اطرح بين ايديكم هذه القصيده واتمنى بان تنال استحسانكم
ياوجودي وجد قلب(ن) مكبل بالديون = كل يوم اطق بابه حدا الديانه
قيده دينه وحت الثمر من الغصون = فار دمه ضاق صدره ذبل بستانه
ياعذابي من جفون(ن) مثل برق المزون = من سنا حسنه فوادي آسير امزانه
الشهد من منطقه ما يجي في كل كون = راوي الروح التي بيرها نضبانه
غاب عني فارقت العيون احلا عيون = من لهيب البعد قلبي فقد شريانه
إنهمل وبل المدامع وناحت الجفون = وطلعت منها شجاري حزن رويانه
آه من قلب(ن) معنى تداعبه الطعون = ما ينام الليل غرقان جوف أحزانه
آه من روح(ن) لفاها زهر من كل لون = لكن الأزهار من وقتها ظميانه
فرحة الروح الشقيه يتيمه يا فتون = ماتت الفرحه بسيف الحزن وعيانه
ياوجودي وجد قلب(ن) مكبل بالديون = كل يوم اطق بابه حدا الديانه
التميز
الإهداءات
فرحه يتيمه
رد: فرحه يتيمه
