سعد=
يابن منور يسعد المولى مسـاك=ياطيب المجنـا وياحلـو النبـا
وش فيك تقرب كايد الاجرب هذاك=منهو قرب معطان الاجرب يجربا
ابن منور=
يا صاحبي جعل السعد دايم معاك=يا راعي الجزله عريب المنسبـا
ماني وانا خالد بهـرّاج فقفـاك=آرد من الصافي صفيّ المشربـا
سعد=
يااللي وردت الحسو مايقطع ضماك=اتعب على هـداج وارده واشربـا
كل النجوم الا السميـك والسمـاك=احسب لهـا والا لـذي لاتحسبـا
ابن منور=
كلٍ يبا ينزل ليا حـان العـراك=حتى نعرف المحسنـا والمذنبـا
لابد ما تعرف صحيبك من عداك=و النمر ما يلعب مع عيال الضبا
سعد=
ياحب يامديوس جبنا لك رحـاك=علاك بسـم الله وابليـس يهبـا
شارون ملعون الصلايب مع براك=من لا ربا نفسه يجيه اللي ربـا
ابن منور=
مسقوم يا مسقوم دعوانا شفـاك=والا من الدنيا تـروح وتغربـا
يا نجم يا وضاح في عالي سماك=انزل على راس العدو المخربـا
التميز
الإهداءات
محاوره بين الشاعرين خالد منور وسعد حميد
