تقول جاكم مطر وأقول جانا مطر !!!

أبيات أهديها لكم

علها ترقى إلى ذائقتكم

العام يوم السحايب والمطر انهمر=كانت تصور وقايعها بجـوالها
كانت تصور نواحيها وترسل صور=وأفرح ليا رن جوالي بمرسالها
وتقول جاكم مطر وأقول جانا مطر=وتقول صور لي المزنة وهمالها
صورت برق السحاب اللي سمك من عصر=وأرسلت صورته للي طيبٍ(ن)فالها
الجادل اللي تربت بين بر وبحر=ترجي وصالي وأنا طمعان بوصالها
ماكنها غير لمع البرق وإلا قمر=ما مثلها بالعذارى حظ من نالها
لعبت بعقلي وقلبي حبها يا بشر=من حب نفسي لها شربت فنجالها
هاثم قالت:بغيب غياب يمكن شهر=صعبة ظروفي وأنا صدقت لأقوالها
قلت:أنتظر للمجي وإلا بلاش أنتظر=قالت:بجي كود نفسي حانت أجالها
ما كنت أظن الغياب يطول كنه دهر=أبطت عليًه وروحي همها طالها
مرت سنة من بعدها ما وصلني خبر=يا من يبشر لشاعرها عن أحوالها
جوالها منفصل مدري عليًه حظر=ترضي به أعمامها وتفرح أخوالها
وإن كان ماهو كذيا ياصنوف القهر=الله يحييك نفسي همها جالها
إلى متى بتصبر مر طعم الصبر=النفس من زود همي صار يرثالها
الصبر مرٍ(ن)مذاقه والمغيبه أمر=يا عز روحي من الأحلام وأعمالها
الضيق واصل مداه مضايقٍ(ن)للصدر=ما عادت النفس تطعم لذة أمالها
ما صرت أميز بوقتي بين فرح وكدر=كل المشاعر بقلبي زاد ولوالها
ياليتها بس ترسل للمغيبة عذر=لو كان ماهو صحيح الروح يحلا لها
اليوم يوم السحايب والمطر انهمر=ما كل جوال صور مثل جوالها

صح لسانك واعتلا شانك ابدعت


تقبل التحية

صح لسانك واحساسك شاعرنا رووووعة تسلم الايادي

صح لسانك مدد ماهو عدد


تقبل التحية

الله الله يا سلام

صح لساااانك


تقبل التحاياااااا

صح لسااانك ادعت لله درك ايها القدير

صح لسانك شلعرنا رووووعة يسلم قلبك

صح لساااااااانك


موفق

صح لسانك وسلم بنانك وبيانك

صح لساانك ابدااع


تقبل مروري