مخيام صيف لاغلى ضيف

[size=4] بسم الله الرحمن الرحيم

ياالله يارزاق عكف المناقير = كل(ن) يجيله ماقسم له حصيله
والداب الاعمى فالخلا جايه الطير = وهو محله لابد(ن) فالدبيله
نطلبك تهدينا على نية الخير = والجنه اطيب والغصون الظليله
سلام يادار الرجال المناعير = اهل الكرم واهل السيوف الصقيله
دار(ن) يباشرك المطر صبح وعصير = من مزنة براقها فالمخيله
مزون غر من الوسوم المبادير = مافيه شعب الا تدارج مسيله
والنبت عج وفاح ريح النواوير = واخضر غصن النبت من غب سيله
جينا على دعوة رجال(ن) مسافير = من دارنا لو المسافه طويله
جينا نسج اقدامنا دون تأخير = مامن عذر نبديه لاهل الفضيله
ناصين دار اهل الدلال المباهير = اللي علاها الهيل والزنجبيله
ذباحة الحايل نهار المعاسير = الجود فيهم من ليالي طويله
والله يبارك في جهود المشاهير = اللي رقت بالعز راس الطويله
بجهودهم مثل السيوف البواتير = اللي نهار الفعل فيها صليله
شادوا مخيمهم امام النواظير = حطوه للاجناب وابن القبيله
ماكنه الاحلية طويق والنير = كل(ن) يشوفه من بعيد ويخيله
بمخطط(ن) دايم نبوته مزاهير = فارض المصيف المشتهر واحليله
وسموه باسم(ن) يجذب اللي مسايير = واللي سمع باسمه لزوم يعني له
احلى مصيف الرمز مافيه تقصير = لاغلى ضيوف(ن) بالمعزه تجيله
قاموا يديرونه رجال شواطير = من اجل تحقيق الهداف النبيله
والغيث من قطره يجيب التباشير = والوبل يقفاها بيوم(ن) وليله
اول هدفهم دين معنى وتفسير = يوضحون الدين بابسط وسيله
للجاليات اللي على وضعهم غير = اللي مساعيهم تجاههه قليله
سووا لهم دعوة اخوه وتقدير = واستقطبوا من كل قطر(ن) فصيله
وجوههم كما جول الضوامي على البير = عطشى وكل(ن) يمهم شد حيله
واسلم بفضل الله خمسين وكثير = والخير مقبل دام فيهم جميله
والتايب اللي يمهم واصل السير = والشخص معروف(ن) بدينه خليله
ودورات علميه اجابه وتحرير = وكل بمجهوده يزيد الحصيله
ومعارض حطت لشرح وتعبير = للتوعيه والشخص عقله دليله
وصلاه ربي عد نبت المخاضير = على نبي كلنا ننتمي له[/

size]

يـاالله يـارزاق عكـف المناقـيـر
كل(ن) يجيله ماقسـم لـه حصيلـه
والداب الاعمى فالخلا جايـه الطيـر
وهـو محلـه لابــد(ن) فالدبيـلـه
نطلبـك تهدينـا علـى نيـة الخيـر
والجنـه اطيـب والغصـون الظليلـه

راع الصدق

صح السانك قصيده جميلة مميزة وافية جزله من رجل جزل

لــــــــك تـــــحــــيــــاااااااااتــــــي

صقر عتيبة

صح لسانك وعلا شأنك


قصيدة راقية بكل ما تعني الكلمة



مبنى ومعنى



بيض الله وجهك يا راع الجزلة



لك خالص تحيتي

الله عليك ياراع الصدق ,,


مبدع مبدع ,,,


قصيدة جميلة ,, وموضوعها ,, اجمل ,,,




ننتظر جديدك ياراعي الجزلة





تحيااااااااااااتي

صح لسانك وعلا شأنك



قصيدة جميلة



الله يعطيك العافية



تقبل خالص الود

صح الله لسااااااااااااانك

قصيده رائعه ومميزه

الله يعطيك العافية

تقبل تحيااااااااااتي الخاااااااااصة

صح لسانك وسلمت يمينك


قصيدة متميزه


وجزله من شاعر جزل



تقبل تحيتي

ذباحـة الحايـل نهـار المعاسـيـر
الجـود فيهـم مـن ليالـي طويلـه
والله يبارك فـي جهـود المشاهيـر
اللـي رقـت بالعـز راس الطويلـه

الله يعيطك العافية راعي الصدق

وصح لسانك واعتلى شانك

وقصيدة جزلة وتستاهل المدح

تقبل مروري وتحيتي

والغيث من قطـره يجيـب التباشيـر=والوبـل يقفاهـا بيـوم(ن) وليـلـه
اول هدفهـم ديـن معنـى وتفسيـر=يوضحـون الديـن بابسـط وسيلـه
صح لسانك وعلا شانك=
راع الصدق=
وبيض الله وجهك على القصيدة الجزلة=