مساكم الله بكل خير أين ما كنتم
تجاوزت القصيدة السابقة 10 ردود
إذا أنتم على موعد مع الجديدة
الأبيات.... علها تروق لكم
أسميتها مشرط غرامك
كم ليلةٍ(ن)مرت وأدورك ما جيت=يا للي مجيك كان للروح راحه
ناديت لك بالصوت وأسمعت للميْت=ما شفت من جر الصوايح ملاحه
يا قطعة السكر تباكيت وأبكيت=عكرت نبعٍ(ن)عذب صافي قراحه
نظمت فيك الشعر حتى تماديت=في وصفكِ(ي)ما بين رمز وصراحه
خصصت شعري فيك من عقب حبيت=أنا مدرب في كلام الفصاحه
يانبض قلبي بعد بالحب طبيت =اعقد لساني لا يجيب الوقاحه
خلك عل ماكنت لا قلت وفيت=مهما يصير الفرح ضيق مساحه
أون لن صبحت وأون لا أمسيت=الصدر مهما ضاق فيه السماحه
والشوق كنه بالفكر قدح كبريت=داخل حشاي اللي تزايد مناحه
حالي شقاوي بالهوى ما تهنيت=مشرط غرامك مشتغل بي جراحه
ينزف غرام الشوق من جرحٍ(ن)أنكيت=هم الهوى غال الفؤاد إستباحه
قضيت كل العمر من ليت ياليت=أهنا معك ساعة وأحس إرتياحه
لكن تبخر كل حلمٍ(ن)تمنيت=ما كنك إلا حلم رحلة سياحه
أثر الهوى حاليه علقم وحلتيت=هذي حقيقة ناصعة من نصاحه
يدهج لبيت الروح دهج العفاريت=قلب المعنا صار للطعن ساحه
كم ليلةٍ(ن)مرت وأدورك ما جيت=يا للي مجيك كان للروح راحه
التميز
الإهداءات
مشرط غرامك !!!
رد: مشرط غرامك !!!
