كم ليلةٍ(ن)مرت وأدورك ما جيت=يا للي مجيك كان للروح راحه
ناديت لك بالصوت وأسمعت للميْت=ما شفت من جر الصوايح ملاحه
يا قطعة السكر تباكيت وأبكيت=عكرت نبعٍ(ن)عذب صافي قراحه
نظمت فيك الشعر حتى تماديت=في وصفكِ(ي)ما بين رمز وصراحه
خصصت شعري فيك من عقب حبيت=أنا مدرب في كلام الفصاحه
يانبض قلبي بعد بالحب طبيت =اعقد لساني لا يجيب الوقاحه
خلك عل ماكنت لا قلت وفيت=مهما يصير الفرح ضيق مساحه
أون لن صبحت وأون لا أمسيت=الصدر مهما ضاق فيه السماحه
والشوق كنه بالفكر قدح كبريت=داخل حشاي اللي تزايد مناحه
حالي شقاوي بالهوى ما تهنيت=مشرط غرامك مشتغل بي جراحه
ينزف غرام الشوق من جرحٍ(ن)أنكيت=هم الهوى غال الفؤاد إستباحه
قضيت كل العمر من ليت ياليت=أهنا معك ساعة وأحس إرتياحه
لكن تبخر كل حلمٍ(ن)تمنيت=ما كنك إلا حلم رحلة سياحه
أثر الهوى حاليه علقم وحلتيت=هذي حقيقة ناصعة من نصاحه
يدهج لبيت الروح دهج العفاريت=قلب المعنا صار للطعن ساحه
كم ليلةٍ(ن)مرت وأدورك ما جيت=يا للي مجيك كان للروح راحه

في كل حضور لك شاعرنا

درر و روائع جميلة بحرفك الراقي


يا قطعـة السكـر تباكيـت وأبكيـت
عكرت نبعٍ(ن)عذب صافـي قراحـه
نظمت فيك الشعـر حتـى تماديـت
في وصفكِ(ي)ما بين رمز وصراحـه


الله علييييييك..

روضت الحرف...

وألنت الاحساس...

وشكلت لنا صورة لايمكن الا ان تكون من ريشتك..

أثر الهوى حاليـه علقـم وحلتيـت
هذي حقيقة ناصعـة مـن نصاحـه
يدهج لبيت الروح دهـج العفاريـت
قلب المعنـا صـار للطعـن ساحـه
كم ليلةٍ(ن)مرت وأدورك مـا جيـت
يا للي مجيـك كـان للـروح راحـه



وحده مدادك...هدوء...يحمل الأحساس...

ليجعل للحرف...مجالاً أخر للتنفس...

وأعوووووود صح لسانك مدد

شكرا لك دمت بخير و سعادة