نامي بقلبي والمشاعر وسايد !!!

أسعدكم الله

الأبيات بدون مقمدمات

.....

يا ملهمة فكري بحلو القصايد=أنتي جنوني بالهوى يا غلايه
نامي بقلبي والمشاعر وسايد=توحين دقاته تعرفي بلايـه
لولا غرامك ما عشقت الطرايد=الشاردات من القصايد هوايه
عاني قصيدي فوق جيدك قلايد=ياللي غرامك في حياتي حكايه
حكايتي واياك قرب وبعايد=لو تنشر بتفوز باحلى روايه
فريدةٍ(ن)وأنتي فريدة فرايد=يا سقم قلبي بالغرام ودوايه
هواك فيني طول الايام سايد=تحكم بروحي من أول بدايه
أهواك في وقت الرخا والشدايد=معي رفيقة عمر حتى النهايه
كل يوم حبك بالمعاليق زايد=يشعل وجودي والقصايد مرايه
تخبرك عن حالي وكثر الوجايد=اللي تغشاني صباح ومسايه
لا نامت عيونٍ(ن)تحب الرقايد=سريت مع طيفك بليا هدايه
الشوق فيني مشعلٍ(ن)له وقايد=وأحلام ليلي سارياتٍ(ن)معايه
أدورك واللهف بالجوف كايد=يا غايتي مالي سوى الوصل غايه
دنياي من دونك هموم ونكايد=حبك منعني عن دروب الغوايه
حصنتي إحساسي بزين العوايد=بالمختصر من غير زيف ودعايه
لولاك عشقي كان ذا الحين بايد=لكن لقيت بكل ذاتك هنايه
يا ملهمة فكري بحلو القصايد=أنتي جنوني بالهوى يا غلايه

صح لسانك مدد ماهو عدد


تقبل التحية

صح لسانك ابداع لا يستغرب من شاعر مثلك

رائعة من روائعك


صح لسانك

صح لسانك واحساس ربي يسعدك

ابداع صح لسانك وبيض الله وجهك

صح لسانك ولا فض فوك يا راقي ابدااااع

صح لسانك ولا هان راسك يا مبدع لله درك

صح لسانك دائما مميز


تقبل التحية

رائع صح لسااااااااااانك


تقبل الاعجاب والاحترام