البارحه كثرت على التفاكير

البارحه كثرت علي التفاكير


البارحه كثرت علي التفاكير = امسيت انا والشعر زند وذخيره


هاجوس فكري يسبح ابحور ويغير = ويجيب لي الاخبار من كل ديره


وقام ايتفنن وابدع ابكل تصوير = من كل حاسد اطلب الله يجيره


ياالله يالي تعلم الشر والخير = طالبك يارب البشر كل خيره


امسطر الاعمال في اللوح تستطير = ماغاب عنه شي كبر الشعيره


امدبر الارزاق والكون تدبير = يعطي عباده والعطايا كثيره


الناس كلن له طبوع ومسايير = وكلن من الايام يلقى مصيره


خاوي الرجال الي كرام ومسافير = الي لهم في الوقت وقفه كبيره


الي تعاملهم محبه وتقدير = والي لهم شيمه وقيمه وغيره


اهل الوفاء والطيب قوم (ن) مناعير = تلقى بهم في الضيق من تستشيره


وابعد عن الي صحبته مابها خير = الي يزود في الهروج الصغيره


والي يشب النار ينفخ على الكير = والي العلوم التافهه تستثيره


من صحبته ماتجني الا المخاسير = ماتنفعك وياه صحبه وجيره


مايوم تلقى منه خير وتباشير = يشب بين الناس دايم سعيره


ينفث سمومه في عروق الجماهير = باالقلب الاسود والنوايا الخطيره


ولاتتبع اهل الفن واهل المزامير = الي لدرب الشر صارت سفيره


وختامها عداد ماغرد الطير = صلوا على الي سيرته خير سيره

صح لسانك قصيدة جزلة ابيض وجه



تقبل التحية

دام نبضك وتميز حرفك

قصيدهـ رائـعـه دمت بتميز

تــــح ــــــيـــتـي

صح لسلنك مليون ويزيدون


جزلة من شاعر جزل واصل

صح بدنك يانجم العرب ووجهك ابيض ويعطيك العااااافيه

احتراااااااااامي

كلك ذوووووق ياهمسات ويعطيك العاااافيه

تحيااااااااتي

الشاعرالمميز

عبدالرحمن المسعودي

صح لسانك على هذا الابداع الراقي

وهذه القصيده الراقيه المميزه

بيض الله وجهك

لك التحيه والتقدير

ما قصرت صح لسانك تقبل التحية

صح لسانك يالقرم


وافية من وافي

صح بدنك ياالعبدلي ويعطيك العافيه وكلك ذووووق

تحيااااااتي