قالت:يا شينك ما تحب التطور !!!

السلام عليكم ورحمة الله وبركاته



اليكم الأبيات بدون مقدمات


لا تصدقون عاد ...والا بتروحون تدورون مثل اللي لقيته


ترا بتتعبون بس وما بتلقونه

قابلت بالصدفة مع السوق محتر=لي نية(ن)واله ثمانين نيه
قالت:وجع كنك بدربي مسمر=روح بنحيه خليني في نحيه
قلت:العفو يا نادر الزين مقدر=لو تعرفين بعلة جات فيه
صفة رمشك كنها صف عسكر=وجب علي أدق لك التحيه
قالت:وكاد إنك عليه تغشمر=والا تسوي للحريم الأذيه
أنا رموشي دائمة ما تغير=مافيه شيء(ن)زايد(ن)في عينيه
قلت:إسمحي لي عاد بشرح لك أكثر=هذا تواضع منك ميه بميه
قالت:ما فيني زود لأجل أتكبر=هذيي وصوف لكل منهي بنيه
أحيان ليا مني مشيت أتمخطر=كذا يقولن العرب نرجسيه
وأحيان أحب أكيد ناس مغرر=والا أنا من فعلهم ما عليه
وأحيان أخلي عاشق البيض يفتر=ما كنه الا لعبة(ن)في يديه
أحيان أحب اللبس مره محزقر=يضفي علي نفسي بعض جاذبيه
قلت:اسكتي والدرب قدمك ميسر=ماني بلك وأنتي بعد منت ليه
روحي عسى رب المخاليق يستر=أنتي طلعتي من البلاوي بليه
ما عاد بسمع شيء والقلب عذر=ماني زبون الخايسه والرديه
قالت:يا شينك ما تحب التطور=ما كنك الا في زمن جاهليه
الا بعد بقول لك شيء(ن)أخطر=صار الولد والبنت تمشي سويه
ولى زمن ليلى وعبله وعنتر=هذا زمن عجرم وهو صار هيه
الشعر يا حلوه مميش مسشور=واللبس بنطال (ن)كما جلد حيه
ما عاد تعرف أنثوي من مذكر=صرنا سوا ما عاد به عنصريه
ياشين عقلك باقي(ن)ما تحرر=طبع البدو ما يتفق لحضريه
لكن دامك من كلامي تكدر=دور بدالي من البنات بدويه
قلت:البداوة عز والله أكبر=كلك غلط الا بكلمتك ذيه
ما عاد به داعي أشاور وفكر=روحي عسى الله لا يردك عليه
دامك مسز تلقين بالسوق مستر=أنا بدوي معروف بالعنجهيه
الله خلقنا قوم للكر والفر=ونفوسنا دايم بفضله غنيه
الحر ما يغدي كلامه مكسر=والشامخة ماهي سواة الهميه
أنا قبلت يكون عقلي محجر=أخير لي من تبع نفس شقيه

الله عليك


أبدعت بالحوار


وتصوير الموقف بكل جوانبه


لله درك


سجل اعجابي بما دونت



لك خالص الود

صح لسانك مليون ولا يكفون



كما عدتنا دائما مميز



الله يطول بعمرك



لك خالص الود

بن هليل

صح السانك قصيدة جميلة مميزة جزله من رجل جزل

لــــــــــــك تــــــحــــــيـــــــااااااااااتــــــــــي


صقر عتيبة

دامك مسز تلقين بالسـوق مستـر
أنـا بـدوي معـروف بالعنجهيـه
الله خلقنـا قـوم للكـر والـفـر
ونفوسنـا دايـم بفضلـه غنيـه




الله عليك يابن هليل ,,,



من وين هالنهر العذب اللي تستقي منه الشعر ,,,, بنروح يمه ...



وابسألك وترى ماحد يسمع ولا يقرى .... وين هالسوق .. ؟؟؟؟؟ >>>>>> هههههههههه






صح لسانك للمرة الثاني اخوووووي



دائما مبدع ومتجدد الله يعطيك الصحة والعافية




تحياااااااااااااااتي

اقتباس : المشاركة الأصلية كتبت بواسطة عساف الأصائل [ مشاهدة المشاركة ]

الله عليك أبدعت بالحوار وتصوير الموقف بكل جوانبه لله درك سجل اعجابي بما دونت لك خالص الود

صح بدنك ولا هنت



سعدت بردك



لك خالص تحيتي

اقتباس : المشاركة الأصلية كتبت بواسطة ملك القلوب [ مشاهدة المشاركة ]

صح لسانك مليون ولا يكفون كما عدتنا دائما مميز الله يطول بعمرك لك خالص الود

بارك الله فيك



سعدت بحضورك وردك الطيب



لك خالص تحيتي

اقتباس : المشاركة الأصلية كتبت بواسطة صقـر عتيبـة [ مشاهدة المشاركة ]

بن هليل صح السانك قصيدة جميلة مميزة جزله من رجل جزل لــــــــــــك تــــــحــــــيـــــــااااااااااتــــــــــي صقر عتيبة

صح بدنك ولا هنت



بارك الله فيك



لك خالص تحيتي

اقتباس : المشاركة الأصلية كتبت بواسطة مبدع القاف [ مشاهدة المشاركة ]

دامك مسز تلقين بالسـوق مستـر أنـا بـدوي معـروف بالعنجهيـه الله خلقنـا قـوم للكـر والـفـر ونفوسنـا دايـم بفضلـه غنيـه الله عليك يابن هليل ,,, من وين هالنهر العذب اللي تستقي منه الشعر ,,,, بنروح يمه ... وابسألك وترى ماحد يسمع ولا يقرى .... وين هالسوق .. ؟؟؟؟؟ >>>>>> هههههههههه صح لسانك للمرة الثاني اخوووووي دائما مبدع ومتجدد الله يعطيك الصحة والعافية تحياااااااااااااااتي

صح بدنك ولا هنت



سعدت بردك الوافي والمميز



الله يعطيك العافية



لك خالص تحيتي

صح الله لساااااانك وبيض الله وجهك

كعادتك متألق

الله يعطيك العافية

تقبل تحياااااااااااااااااتي الخااااااااااااااااصة