نجمة العصر !!!

أسعد الله أوقاتكم بكل خير

الأبيات
....

يا نجمة العصر مدري يا شبيه الملاك=يا ملهمتني قصيدي لين زان الشعر
حلو القصائد تراها نابعة من هواك=يا نادرة بالجمال اليوسـفي بالبشـر
في ذمتي ما سحرني بالعذارى سواك=هذا خبر كان ما عندك بسحري خبر
سحرتني بالأدب والذوق زايد حلاك=يا منتهى كل حواء من جمال وطهر
كل يوم يكبر بقلبي يا غرامي غلاك=ما عاد شيءٍ(ن)سواك يسرني بالنظر
يا بلسم جروح عشقي عجلي لي دواك=قدام روحي تروح انا بحالة خطر
ترى الدوا ما يفيد اليا وصلت الهلاك=ما عاد يشفي علاج ولا يفيد الصبر
أنا دخيلك وداخل فوق منهو رباك=لا تتركيني ضحية غيبتك وإنتظر
ما عدت بقوى لصبر ومنتظر في حراك=يا مر صبر البعاد وجاير الشوق امر
صبرت لين الخفوق اللي بصدري شكاك=على زماني وقلبي من هواه إنفطر
العمر والله خسارة كان ماهو معاك=أيامي اللي معك تسوى لكل العمر
باقي سنيني وعمري يا غناتي فداك=خسرتها مثل منهو بالتجارة خسر
ما باقي إلا مكانك في فؤادٍ(ن)شراك=هذا نصيبي من الدنيا وحكم القدر
كلي لكلك هدية والعمر في يداك=اهديتك اللي بقا لي من زمان وفكر
قلبي وفكري وشعري والغلا ما نساك=يجع طيوفك خيالي وأنسجم وأنبهر
من غيبة الشمس لين النور زاح الحلاك=أجمع شتات الحلوم وبينهن أنتثر
أسلي النفس دامك مبتعد ما براك=ما عاد لي سلوةٍ(ن)إلا قصيد ونثر
أكتبك قصة غرام لشاعرٍ(ن)ما سلاك=تقعد للأجيال بعدك عبرة لمعتبر
نهاية العلم عندي قبل هذا وذاك=أنتي غرامي وهذا علمي المختصـر
يا نجمة العصر مدري يا شبيه الملاك=يا ملهمتني قصيدي لين زان الشعر

صح لساانك ابدااااااع


تقبل التحية

الله الله


صح لسانك لله درك يا استاذ الشعر

قصيدة فاخرة صح لسااااااااااااااانك

صح لسانك مدد ماهو عدد


ابداع يتجدد


تقبل التحية

صح لسانك ابداع من شاعر متمكن لله درك

صح لسانك شاعر الابداع موفق

صح لسانك مليون ولا يكفون ابداع معهود

صح لسانك واعتلا شانك ابداااااااع

الله يعطيك الف عافية

صح لسانك وسلم بنانك احسنت قصيدة رائعة