المملكة دارنا غصب عن أطلق شنب !!!

أسعدكم الله دنيا وأخرة

زرت أحد مصايفنا وقابلت أحد الأصدقاء

فقال لي ليش ما تسافر برا الصيف بتركيا أحسن وإلا أوربا

فقلت: هذه الأبيات علها تروق لكم

....

يا خي خل العتب مافيه داعي عتب=ما يعتب الا حبيب ليا فقد له حبيب
المملكة دارنا غصبٍ(ن)على أطلق شنب=من عهد الأجداد ماهي بالزمان القريب
من بحر جدة ليا ساحل خليج العرب=داري وربعي ولاني بالمنازل غريب
مهد الحضارات فيها والكرم والنسب=والدين منبعه منها والنبي المهيب
لا من بغيت المصايف ما خشيت النهب=أزورها ما عليه يا معاتب رقيـب
القى بها جو ممتع بالمكان العجب=رهيب يا جو داري بالمصايف رهيب
المملكة غير ياللي تدرسون الكتب=شوفوا بها معجزات المملكة ياعجيب
فيها الرخاء والأمن والدين عز الطلب=نعمة من الله عظيمة بالزمان المريب
فيها فواكه كثيرة والعسل والعنب=الطيب فيها قلوب الناس مثل الحليب
لا من طرأ لي أسير ما حداني كرب=أطرف مكانٍ(ن)ليا من زان جوه يطيب
أنزل بها وأتمشى لو مابه سبب=الرأس مرفوع لا طالب ولاني طليب
أمشي على الهون فيها وإن مشيت الخبب=ماهو عليًه كليف ولا نعده معيب
أنا وطن في وطن صدوق معرف كذب=لكن دون الوطن حريب وأشرس حريب
أجاوب الذئب لا منه بصوته قنب=بمسالباتٍ(ن)يسابق صوتها للقنيب
ماهمني لو يسيل الدم لين الركب=دون الوطن كلنا حماه شبٍ(ن)وشيب
أرسى من طويق وأعنف من لهيب الشهب=اللي نريده نطوله بالرضا والغصيب
ما عمر راسٍ(ن)يعود في مكان الذنب=الرأس مرفوع عالي ما يطوله ذنيب
حنا ليا قيل حنا متلفين العصب=سم المعادي نحصده بالنهار العصيب
ياكم دارت رحانا فوق روس وقبب=محظوظ منهو نجا لو كان حتى صويب
النار ما تالع الا في هشيم الحطب=والشمس ما تغرب إلا باتجاه المغيب
يا خي خل العتب مافيه داعي عتب=ما يعتب الا حبيب ليا فقد له حبيب

صباحك خير

صح لسانك ابداااااااااااع

صح لسانك جزلة من شاعر جزل

الله يديم علينا وعليكم نعمة الامن

صح لسااااااااانك

الله الله


جزلة من جزل صح لساااااااانك

صح لسانك قصيدة راقية كرقي شاعريتك

صح لسااااااااااااانك


ابدااااااااااااااع

صح لسانك رائعة من روائعك



تقبل التحايااااااااااا

قصيدة جزلة


صح لساااااااااااانك

صح لسانك مدد ماهو عدد


تقبل التحية