الى من قد يهمه الامر
الى الفقراء احبابي ... الى اليتماء اصحابي
بس يا مطر
_______________
يوم امطرت تحزّمت بر و اخيام
هذي سوالف ناس ربي غناها
بس المطر من طاح ببيوت الايتام
هدّم بيوت وقام جنّي غثاها
بس يا مطر لان الفقارى تب اتنام
و ابيوتها فاضت و سيلك خذاها
قطراتك احجاره و هي سقفها جام
و جدرانها من طين واهي بناها
ارامل و عجزّ لها الحظ ماقام
عرّاها سيلك ما لقت من كساها
افراشها كرتون و اغطاها هندام
فطورها خبز و غداها عشاها
بس يا مطر لااتصير مع سود الايام
تشرّدت ما غير ربي اواها
يمر بها كل يوم كل شهر كل عام
الجوع ما غيره كفيل ٍ وفاها
لو تستمر كم يوم زودت الارقام
بالفقر و التشريد ما احد دراها
بس يا مطر و امطر علينا بالاحلام
و اغسل قلوب ٍ سود .. نظّف دماها
و اليوم غيمك غرّق اقصور الاوهام
عرّى الحقيقه و كل قلب ٍ رآاها
جار برغد عنده ملايين و انعام
و جيرانه ماتت بالعطش ما سقاها
و كنا فقارى بس بالشيمه اكرام
كنا المريضه نشتري له دواها
كنا عرب لا والله بل كنا اسلام
والحين صرنا غربه ف دين طه
باغنى بلاد الكون و نفطنا خام
و الكون كله عايش ٍ في ذراها
نكرم على الاغراب من زود الانعام
و اموال مليارات يصعب حصاها
و الشعب من زود الفقر ربعه صيام
و الربع عاطل و النصف ما احتواها ...
بلاط اميري حاشيه و ناس ضلاّم
رسايل الفقرا الامير ما قراها
غطو عيون الحق اعوام و اعوام
والشعب كله بخير كل شيء معاها !!
و من طاحت دموعك ي غيم التبسام
قصيدتك بالفقر ما احد محاها
بيومين غرقت العواصم يا حكّام...!!!
وش عاد لو دام المطر ويش جاها !!؟؟
هذي و هي العاصمه رمز الاعلام
كيف القرى وش حالها في بلاها
يا سيدي يا ابن الاكارم من ايام
شعبك ينام ب مي ماحدٍ حماها
قلته و لا همي من ابطانه انلام
بس هي رساله لكل حاكم قراها
عمر الغنى و الخير وان دام ما دام
بكره سنين جحاف ناكل نواها
بس يا مطر لان الفقارى تب تنام
و بيوتها راحت و سيلك خذاها
عايد مرزوق العويس -المانيا
التميز
الإهداءات
بس يا مطر ... الى من قد يهمه الامر
