بس يا مطر ... الى من قد يهمه الامر
 

الى من قد يهمه الامر

الى الفقراء احبابي ... الى اليتماء اصحابي

بس يا مطر
_______________


يوم امطرت تحزّمت بر و اخيام

هذي سوالف ناس ربي غناها

بس المطر من طاح ببيوت الايتام

هدّم بيوت وقام جنّي غثاها

بس يا مطر لان الفقارى تب اتنام

و ابيوتها فاضت و سيلك خذاها

قطراتك احجاره و هي سقفها جام

و جدرانها من طين واهي بناها

ارامل و عجزّ لها الحظ ماقام

عرّاها سيلك ما لقت من كساها

افراشها كرتون و اغطاها هندام

فطورها خبز و غداها عشاها

بس يا مطر لااتصير مع سود الايام

تشرّدت ما غير ربي اواها

يمر بها كل يوم كل شهر كل عام

الجوع ما غيره كفيل ٍ وفاها

لو تستمر كم يوم زودت الارقام

بالفقر و التشريد ما احد دراها

بس يا مطر و امطر علينا بالاحلام

و اغسل قلوب ٍ سود .. نظّف دماها

و اليوم غيمك غرّق اقصور الاوهام

عرّى الحقيقه و كل قلب ٍ رآاها

جار برغد عنده ملايين و انعام

و جيرانه ماتت بالعطش ما سقاها

و كنا فقارى بس بالشيمه اكرام

كنا المريضه نشتري له دواها

كنا عرب لا والله بل كنا اسلام

والحين صرنا غربه ف دين طه

باغنى بلاد الكون و نفطنا خام

و الكون كله عايش ٍ في ذراها

نكرم على الاغراب من زود الانعام

و اموال مليارات يصعب حصاها

و الشعب من زود الفقر ربعه صيام

و الربع عاطل و النصف ما احتواها ...

بلاط اميري حاشيه و ناس ضلاّم

رسايل الفقرا الامير ما قراها

غطو عيون الحق اعوام و اعوام

والشعب كله بخير كل شيء معاها !!

و من طاحت دموعك ي غيم التبسام

قصيدتك بالفقر ما احد محاها

بيومين غرقت العواصم يا حكّام...!!!

وش عاد لو دام المطر ويش جاها !!؟؟

هذي و هي العاصمه رمز الاعلام

كيف القرى وش حالها في بلاها

يا سيدي يا ابن الاكارم من ايام

شعبك ينام ب مي ماحدٍ حماها

قلته و لا همي من ابطانه انلام

بس هي رساله لكل حاكم قراها

عمر الغنى و الخير وان دام ما دام

بكره سنين جحاف ناكل نواها

بس يا مطر لان الفقارى تب تنام

و بيوتها راحت و سيلك خذاها


عايد مرزوق العويس -المانيا

رد: بس يا مطر ... الى من قد يهمه الامر
 

يا سلام عليك يا عايد


صح لسانك واعتلا شانك


قصيدة شامخة

تقبل التحية

رد: بس يا مطر ... الى من قد يهمه الامر
 

صح لسانك وبيض الله وجهك ابداع


تقبل التحية والاعجاب

رد: بس يا مطر ... الى من قد يهمه الامر
 

صبراً جميل والله المستعان ..

شاعرنا عايد /صح لسان وجاد بيانك

ماشاء الله قصيده قوية

وتستحق الخمس نجوم

رد: بس يا مطر ... الى من قد يهمه الامر
 

الشاعر القدير

عايد مرزوق العويس

صح لسانك اجدت بالطرح قصيدة شامخة

بيض الله وجهك


تقديري

رد: بس يا مطر ... الى من قد يهمه الامر
 

صح لسانك جزلة من جزل بيض الله وجهك

رد: بس يا مطر ... الى من قد يهمه الامر
 

يسعدك ربي يالرقيب

مرور مفرح لا ضيق الله قلبك

صباح الفرح و الياسمين و راحة البال

رد: بس يا مطر ... الى من قد يهمه الامر
 

صاحب المعالي

صح نبض الطيب و الطهر في قلبك يالطيب

مرور له طعم الفرح يسعدنا بلون ذائقته الجميله

صباح الامل و التفائل

رد: بس يا مطر ... الى من قد يهمه الامر
 

اميرتنا الغاليه عبير الشوق

صح نبض الطهاره و الطيب في شرايينك

مرور ابصم له بالعشره بانه الاجمل و الاكثر وقعا بالفرح في نفسي

شكري و تقديري لروحك اميرتنا الغاليه

صباح البنفسج و الجوري

رد: بس يا مطر ... الى من قد يهمه الامر
 

الغالي طيب القلب بن هليل

و تبقى كما عرفي بك طيب القلب طاهر السريره

شكرا لك بحجم السماء ولا تكفي ايها الجزل

وجهك ابيض و ما عليك زود شاعرنا العذب