جابتني الأقدار عندك و وقفت !!!

بدايتي واياك مهما وصفتها=مثل النهاية معك لن كان وصفت
كبرت عن أشياء كثيرة وعفتها=إلا غرامك زاد فيني ولا عفت
ياما كثير من الخراعيب شفتها=لكن كماك وعزة الله ما شـفت
ما حركن حسي وطافن وطفتها=عندك وقفت مسمرٍ(ن)فيك ماطفت
مشاعري والروح لأجلك وقفتها=جابتني الأقدار عندك و وقفت
ما عاد لي شفٍ(ن)بغيرك صرفتها=من زود حبك ياغرامي تصرفت
كل العذارى من حسابي حذفتها=إلا أنت باقي لين بتقول خرفت
كل العروق بورد حبك رصفتها=أطرب ليا منك مع النود هفهفت
أسهر مع أطيافك تلوفي ولفتها=أسعد بلوفتها وتسعد ليا لفت
مهما ظروف الوقت تقسى ماخفتها=خوفي عليك وبس لن قلت لك خفت
هذي حياتي معك لأجلك عسفتها=عشق وغرام وشوق ياذوق عسفت
لأجلك ومن شأنك حياتي عرفتها=وهبتها لرضاك بعد تعرفت
أيام عمري بإتجاهك حرفتها=واللي بقي من عمر بالشوق لحفت
نهايتي واياك مهما وصفتها=مثل البداية معك لن كان وصفت

صح لسااااااااااااانك ابداع لا يستغرب


تقبل التحية

صح لساااااااانك احسنت


احترامي

صح لسانك واعتلا شانك ابدعت وامتعت


تقبل التحية

صح لسانك ابداع قصيدة تستحق الاشادة

الله عليك ابدعت ايها الشامح صح لسانك

مبدع كعادتك صح لسانك ايها الراقي

رائعة من روائعك صح لسااااااااااانك

صح لسانك قصيدة اكثر من رائعة

صح لسااااانك ابداع لا يستغرب منك