أسعدكم الله بكل وقت وحين
الليلة النت بالفندق طيب وكنت ناوي محاورة مع سعيد لكنه ما حضر
عاد قلت ما بدها بروح اتعشى وأرجع يمكن جاء
وتورطت ورطة بمطعم اللي شغالين فيه لبنانيين وفلبينيات والله يكون بعوني
كل مسميات الأكل عندهم غريبة واحترت مدري شنهو اللي يروق لي
قعت ربع ساعة اقلب اللستة وما طلعت بنتيجة
استشرت المضيفة طلعت العن من اللستة
وبالأخير جازفت ومشيت الحال
وعلى ضوء هذه الورطة كتبت هذه الأبيات
أبيها تذكار لعشاي بالسالمية
علها تروق لكم
ورطت ورطة ماجرت لأكثر الناس=في مطعمٍ(ن)بالسالمية مشبه
جتني تمايل لابسه ناعم اللاس=بنطال فوقه لابسه نص جبه
دنت ترحب كنها لمعة الماس=وتولع الشمعات والوجه لمبه
كل شمعةٍ(ن)الها حسب لونها كاس=الضوء مكسوفٍ(ن)من اللي يشبه
الشمعة اللي هبها ريح نسناس=قامت تمايل حين حست بهبه
نسناس هبه من نفس عذب الأنفاس=لعب بقلب الشيخ مدري لعب به
الشخ ساعة شافها ضيع الطاس=نسي لعقله وإتبع ميل قلبه
قالت:تفضل وش تبي قلت:محتاس=كل الذي عندك على الشيخ ذبه
قالت:كثير وقلت ماشي ولا باس=كل صنف بأخذ منه لقمه واكبه
كرمان لعيونك نبي نرفع الراس=بذل ديناري ولا أذل ربه
قالت:غريب وقلت معروف للناس=أنا الذي تشبع ذيابه بدربه
أنا من رجالٍ(ن)يفكون الأكياس=أنا سعودي في سلامه وحربه
ما نعبد الدينار ياعذب الأوناس=كرم سعودي حظ من عاش قربه
اندوس فوق المال قدام ننداس=لأجل الكرامه نرخصه لو نحبه
التميز
الإهداءات
ورطت ورطة ماجرت لأكثر الناس !!!
رد: ورطت ورطة ماجرت لأكثر الناس !!!
