ورطت ورطة ماجرت لأكثر الناس=في مطعمٍ(ن)بالسالمية مشبه
جتني تمايل لابسه ناعم اللاس=بنطال فوقه لابسه نص جبه
دنت ترحب كنها لمعة الماس=وتولع الشمعات والوجه لمبه
كل شمعةٍ(ن)الها حسب لونها كاس=الضوء مكسوفٍ(ن)من اللي يشبه
الشمعة اللي هبها ريح نسناس=قامت تمايل حين حست بهبه
نسناس هبه من نفس عذب الأنفاس=لعب بقلب الشيخ مدري لعب به
الشخ ساعة شافها ضيع الطاس=نسي لعقله وإتبع ميل قلبه
قالت:تفضل وش تبي قلت:محتاس=كل الذي عندك على الشيخ ذبه
قالت:كثير وقلت ماشي ولا باس=كل صنف بأخذ منه لقمه واكبه
كرمان لعيونك نبي نرفع الراس=بذل ديناري ولا أذل ربه
قالت:غريب وقلت معروف للناس=أنا الذي تشبع ذيابه بدربه
أنا من رجالٍ(ن)يفكون الأكياس=أنا سعودي في سلامه وحربه
ما نعبد الدينار ياعذب الأوناس=كرم سعودي حظ من عاش قربه
اندوس فوق المال قدام ننداس=لأجل الكرامه نرخصه لو نحبه

المشاركة الأصلية كتبت بواسطة عبير الشوق (المشاركة 167302) أما ورطة ههههههههههه تعيش وتاكل غيرها استاذنا وصح لسانك

المشاركة الأصلية كتبت بواسطة ورود الريم (المشاركة 167306) صح لسانك شاعرنا السفر فيه تجارب بس أكيد حلوة في السالمية مطعم صويلح لا يفوتك

المشاركة الأصلية كتبت بواسطة ورود الريم (المشاركة 167306) صح لسانك شاعرنا السفر فيه تجارب بس أكيد حلوة في السالمية مطعم صويلح لا يفوتك

المشاركة الأصلية كتبت بواسطة عبير الشوق (المشاركة 167311) ورود : جبتيها والله يلا بكرا عليه هههههههه

المشاركة الأصلية كتبت بواسطة ورود الريم (المشاركة 167313) اسأل عن مطعم فريج صويلح اكله روعه شعبي