ابن هليل لايصد عن القتال

سلام يااهل المنتدى واللي يبا المعنى يروح =يروح لاسما القول والسامي ليا منه سما
مايجلب الا من ذهب صافي ومن مسك يفوح=وابن هليل لايصد عن القتال ليا احتما

حياك الله يا عثمان الثبيتي


شرف لي محاورتك

يا مرحبا في مرحبا والجد ما يرجع مزوح=نصيحة احذر ميسم حامي ليا منه حما
المال لله يا رفيقي من كنوز ومن سروح=ابن هليل تعرفونه واصلٍ(ن)ليا السما

طيب طيب صح لسانك واستلم

عدت ثلاث شهور والبراق فالمنشا يلوح = البرق يبرق فالسما والناس ذابحها الظما
حنا نعرفك واعرف البيطار دكتور الجروح= اللي يداوي كل جرح ويرشد القلب العما

الليل

أسمع من العربان عثمان الثبيتي مثل نوح=معه على الدعوى محامي ليا رما معه رما
ياللي تخيل بروق بالمنشا تحت فيً الطلوح=العد مارد للظوامي والطما يقعد طما

ماني نبي لكن انا مسلم وللمسلم نصوح= بلغ تحياتي هل الاسلام جعلك تسلما
مانته مزعزع لك جبل ياحضرة الوعل النطوح= مار المثل وش قال يااللي حافظه باهل ضرما

منته محصل من زمانك لا غبوق ولا صبوح=لو كان ودك مثل ما قالوا تحول بالحما
حاسب على روحك تجنب للوكول وللرموح=ترى الذيابه بعضها معروف ذيب أسحما

اناا رجي الله مارجيت المد من كف شحوح= والنور لامنه بدى كشف خفا ليل اظلما
خلك معي والقافله ماردها صوت النبوح= ماسجل التاريخ لاهل السيل ياكود اعظما

الله الله


الليل الليل غط البيت وبكره نواصل القاف ليا حبيت الله يخارجني منك

بغيت أعلمكم لكن الظاهر الخيله جموح=والفارس المغوار جنب عن طريق ملغما
الله يخلي مصلحة من بعد ما ماتت صلوح=ماهي صعيبة صاحبي عثمان ركز وإفهما

استودعك الله ولنا لقاء قادم ان شاء الله لقد تشرفنا بمجاراتك والاستفاده من خبراتك لك تقديري وفائق احترامي وتصبح على خير

الله الله


وش هالمصامخ اللي ما درينا عنه


ابدعتم صحت السنكم