سلام يااهل المنتدى واللي يبا المعنى يروح =يروح لاسما القول والسامي ليا منه سما
مايجلب الا من ذهب صافي ومن مسك يفوح=وابن هليل لايصد عن القتال ليا احتما

يا مرحبا في مرحبا والجد ما يرجع مزوح=نصيحة احذر ميسم حامي ليا منه حما
المال لله يا رفيقي من كنوز ومن سروح=ابن هليل تعرفونه واصلٍ(ن)ليا السما

عدت ثلاث شهور والبراق فالمنشا يلوح = البرق يبرق فالسما والناس ذابحها الظما
حنا نعرفك واعرف البيطار دكتور الجروح= اللي يداوي كل جرح ويرشد القلب العما

أسمع من العربان عثمان الثبيتي مثل نوح=معه على الدعوى محامي ليا رما معه رما
ياللي تخيل بروق بالمنشا تحت فيً الطلوح=العد مارد للظوامي والطما يقعد طما

ماني نبي لكن انا مسلم وللمسلم نصوح= بلغ تحياتي هل الاسلام جعلك تسلما
مانته مزعزع لك جبل ياحضرة الوعل النطوح= مار المثل وش قال يااللي حافظه باهل ضرما

منته محصل من زمانك لا غبوق ولا صبوح=لو كان ودك مثل ما قالوا تحول بالحما
حاسب على روحك تجنب للوكول وللرموح=ترى الذيابه بعضها معروف ذيب أسحما

اناا رجي الله مارجيت المد من كف شحوح= والنور لامنه بدى كشف خفا ليل اظلما
خلك معي والقافله ماردها صوت النبوح= ماسجل التاريخ لاهل السيل ياكود اعظما

بغيت أعلمكم لكن الظاهر الخيله جموح=والفارس المغوار جنب عن طريق ملغما
الله يخلي مصلحة من بعد ما ماتت صلوح=ماهي صعيبة صاحبي عثمان ركز وإفهما