تجهزي يا أغلى من الروح والعين !!!

أسعدكم الله


من تسجيلات جوالي أبيات سجلتها قبل سفري من عند ام العيال بليلة

ولم أتمكن من تنزيلها بالمنتدى بوقتها

اليكم الأبيات

تجهزي يا أغلى من الروح والعين=نبي نسافر بالربيع نتمشا
ترى السفر بديارنا يالغلا زين=وليا لقينا روض فيه نتعشا
نبي نغير جونا والملل شين=لا صاب قلب المودماني تفشا
محتاج لي ارتاح بالعمر يومين=من ضيق احسه داخل الصدر خشا
محتاج اجدد للدمي بالشرايين=تصفي ويصفي فكري المستغشا
وفي دربنا بنمر طه مصلين=على النبي اعداد ما الغيث نشا
في مسجده بنقيم لو كان فرضين=تنفع لنا في يوم فيه نتغشا
من بعدها يالغالية دربنا يمين=صوب القصيم وكل ديرة معشا
نبي نتفرج في خضار البساتين=بالديرة اللي ما نحاوج لفرشا
ونبي نروح العاصمة ثم بعدين=الساحل الشرقي له القلب عرشا
ودي أريح فيه مقدار شهرين=الساحل الشرقي على الروح هشا
قالت:توكل روح عندي وراعين=مع السلامة كل حلِ(ن)وممشا
قلت:العيال كبار ما هم صِغيرين=والخير ياسر ما يعيزون قرشا
قالت:يزيد الخير مولاك خيرين=لو رحت عنهم صارت العين عمشا
قلت:أعرف بردك قبل لا تردين=العين ما ترتاح من غير رمشا
مير اقعدي يا أغلى من الروح والعين=وأنا بسافر بالربيع أتمشا

مصافحة ملكية


صح لسانك يا استاذ الشعر والشعراء


مبدع بكل حالاتك

تقبل التحية

الله الله


صح لسانك الى ما لا نهاية


ابدعت لا هنت وفقك الله

صح لسانك سفرا سعيدا ان شاء الله

صح الساااااانك يابن هليل ويعطيك العافيه

احتراااااااااامي

صح لسانك قصيدة اكثر من رائعة


سفرا سعيدا


تقبل مروري

صح لسانك ابداع شاعر وليس بمستغرب منك يا استاذ الشعراء

وفقك الله

صح لسانك واعتلا شانك ابدعت لا هنت



موفق اينما حللت

استاذي بن هليل : سلمت الحروف البهية

سفرا سعيداً وعوداً حميداً

صح لسانك وبيض الله وجهك مبدع بكل حالاتك