ياعثمان الثبيتي : الأسد عود حصيني وصار البس ذيب !!!

أسعدكم الله أينما كنتم

وجهت لسعيد الله يذكره بالخير ذات الحسن والجمال اللي عمرها فوق ستين

و وجهت لوصل الشهيب طال عمره الطفلة المدللة

وها انا أوجه لعثمان الثبيتي هذه الفروع وضوحها كوضوح الشمس

علها تروق للشعراء والجمهور

أمس وجهت الرسائل على وصل الشهيب=سالفة يا ثقلها جابةِ(ن)ياخفها
ثم دارت وإستدارت على البد القريب=فوق عثمان الثبيتي قصيدي دفها
يارفيقي وضعنا صار بالدنيا غريب=لو بغيت تلفها ما قويت تلفها
الأسد عود حصيني وصار البس ذيب=والمصيبة لو صفك خلاف لصفها
علةٍ(ن)بالوقت يصعب يداويها الطبيب=النعامة طير تأطا نمور بخفها
ياوسيع المعرفة ياللبيب بن اللبيب=التجارة خاسرة والبضائع صفها
جفت الفضية وبانت ضفادع بالقليب=لا بلانا ربنا بسف يشبه سفها
البوادر ما تبشر بسمن ولا حليب=اليدين اليابسة من يلين كفها
كل ماقلنا تزين الأمور تزيد عيب=والعرب يا صاحبي ما تحقق شفها
شمسنا يا صاحبي مدبحة يم المغيب=طال ياعثمان فوق الآوادم كسفها
الحياة مقفية والبلا قطع النصيب=الليال الغبر قامت تدف بكتفها
بالزمن ماعاد نعرف خطاوي من مصيب=والنفوس الطيبة عند ربك لطفها
أمس وجهت الرسائل على وصل الشهيب=سالفة يا ثقلها جابةِ(ن)ياخفها

يشرفني ان اكون اول من صافح

هذا التميز والابداع الراقي

ولازلنا بأنتظار مشرفنا وشاعرنا

عثمان الثبيتي لنشاهد الابداع

بيض الله وجهك ...لك التحيه والتقدير

هب الله يقهرك يابن هليل ابك انت علامك هههههههههههه
ابا اجيك بالرد اما صابت والا خابت ولاعليه قدامي شاعر الثبته وصل الشهيب

ودربي دربه انتظروني لي رجعه صح السانك يابن هليل

صح لسانك مدد ماهو عدد



ابداع وبنتظار رد الشاعر عثمان الثبيتي

ابداع غير مستغرب من استاذ الشعر فلله دره على هذا الابداع ولننتظر المبدع ابو مشعل لنستمتع بالرد الهادف والمميز دمتم لقبيلتنا العريقه وللشعر نورا يستضاء به لكم مني كل التقدير والاحترام

يابن هليل

صدور الشعراء ماهيب مثل صدور الأمراء

أنت تغرف من بحر ماشاءالله عليك

اللهم لاحسد يالامير

تحياتي

صح لسانك واعتلا شانك



بنتظار رد عثمان

صح لسانك واعتلا شانك



ابداع شاعر لا هنت

ابداع متجدد صح الله لسانك وسلم بنانك

صح لسانك واعتلا شانك ابدعت وامتعت قصيدة جزلة