يغارن البنات من القصيد اللي كتبته فيك !!!

أسعد الله أوقاتكم بكل خير

الأبيات بدون مقدمات


علها تروق لكم

ياست الكل حبك صار لي بين البشر سيره=تولعت بغرامك يا عساني يالغلا ما أبكيك
كساك الحسن يا بدر الزمان وشمعة الديره=يانور العين نبض القلب ليش تعذبي مغليك
ذبحتيني بحبك والعذارى صابهن غيره=يغارن البنات من القصيد اللي كتبته فيك
ما يدرن الهوى شيب لناسٍ(ن)توها صغيره=وجنن قيس من ليلي عسى رب الملا يحميك
سقم حاله مثل حالي وليلى عجزت تجيره=مواجيع الغرام اللي تجيني علها ما تجيك
أحس بداخلي من لهفة الأشواق تفجيره=شظاياها تمزق بالحشا من كثر ما يطريك
سنين تمر وأنا يالغلا من حيرة بحيره=على منهو سواك أشكيك لا مني بغيت أشكيك
طيوفك كل ليل تمرني للفكر تصبيره=وقلبي لو معه جنحان طار من الصدر يبغيك
لكن الله كتب ماهو كتب يا علها خيره=بصارع للصبر لو هو مرار ولا نويت أنهيك
أحبك وأعشقك وأهواك لو تولع النيره=بقلبٍ(ن)ما سكنه إلا هواك وبالوفا يشريك
مجازف في غلاك ولو حصل مليون تعويره=مسح كل النساء من ذاكرته وصار لك تمليك
تربعتي على عرش الفؤاد بدون تكبيره=هدية من محبٍ(ن)غايته باللي ملك يرضيك
ترى وصيت قلبي فيك كل نبضة وتمريره=يوزعك بشراييني وأنا فوقه بعد بوصيك
كذا وإلا كذا ما عاد لي بالأمر تدبيره=غرامك صار لي واقع بلا ريبة ولا تشكيك
ياست الكل حبك صار لي بين البشر سيره=تولعت بغرامك يا عساني يالغلا ما أبكيك

شاعرنا المبدع

ان شاء الله ماتبكي غالي يالغالي

يشرفني ان اكون اول من صافح

هذا الابداع والتألق المميز

الله يعطيك الف عافيه

لك التحيه والتقدير

اقتباس : المشاركة الأصلية كتبت بواسطة ابن عميش [ مشاهدة المشاركة ]

شاعرنا المبدع ان شاء الله ماتبكي غالي يالغالي يشرفني ان اكون اول من صافح هذا الابداع والتألق المميز الله يعطيك الف عافيه لك التحيه والتقدير

ابو ماجد

صح بدنك لا عدمتك تشرفت بردك الطيب

تقديري

صح لسانك مدد ماهو عدد


ابدعت لا هنت

تقبل التحية

تسلم قصيدة جميلة جدا ربي يسعدك يارب

يا سلام


قصيدة تعانق السحاب


صح لسااااااااانك

صح لسانك شاعرنا المتألق قصيدة راقية ربي يسعدك

صح لسانك يا مبدع القوافي



تقبل الاعجاب

صح لساااااااااانك



ابدعت


تقبل التحاياااااااااااااااااا

صح لسانك واعتلا شانك


ابداع غير مستغرب