يا ذيب هون لا تجر الصوت وتجر القنيب

السلام عليكم ورحمة الله وبركاته

هذه الأبيات مجاراة لقصيدة الذيب الواردة على هذا الرابط

http://www.alqwafel.com/vb/showthread.php?t=14568

علها تروق لكم

الله كريم ومن تعلق في حباله ما يخيب=فرج على يونس همومه والندم ما يوم فاد
محد(ن)بياخذ في حياته غير مكتوب النصيب=ربك تكفل بالبشر والله عليم(ن)بالعباد
يا ذيب هون لا تجر الصوت وتجر القنيب=أرزاقنا كثر الدبا وأطماعنا كثر الجراد
كثر صلاتك والدعا كثره والمولى يجيب=ما خاب مؤمن ماسك(ن)درب الهداية والرشاد
هذي حياةٍ فانية والكل للخالق منيب=دنيا تقلب يا فتى ما دامت الدنيا لعاد
دامك على نهج النبي منته على نهج الصليب=لا تشتكي من هم دنيا نورها يرجع سواد
الهم يا ذيب الغداري بالمطالب والطليب=اللي عليه مصككه بيبان يرثع بالقياد
يصبح نهاره ليل ورموشه من البلوى تشيب=طول السنين تمر فوقه لابسة لبس الحداد
جرح(ن)يطيب وجرح ياراع القصائد ما يطيب=أقول مشكانا على اللي رافع السبع الشداد
لكن هذي حالة الدنيا تقلبها عجيب=بالصيف نشكي من سموم وبالشتا نشكي براد
ياذيب حاسب وإحسب الأعمال لليوم الرهيب=هذي نصحية والنصيحة تشترى علم(ن)وكاد
خلك على ماقيل ياسرحان ذيب ولد ذيب=ترى المعاند ما يعقب بالقلوب الا عناد
هذا كلامي واللبيب يعرف مقصود اللبيب=بعد القصائد حولت ميدانها فوق الجياد
وقت المحارب ما يقابل للحريب الا حريب=والطارفة وقت اللقا عند العرب دائم سداد
هذا جوابي والنجابة ما تفارق للنجيب=والمعذرة كل(ن)على ماقيل بالماجود جاد

لله درك ياابا عبدالله على هذه المجاراه تقبل اعجابي ولك مني خالص التقدير

الأستاذ بن هليل
مجاراة جميلة محفوفة بالنصح الأخوي من قلب محب للخير
صح لسانك وصحت يمناك بما خطته

الله الله


صح لسانك على هذه الدرة ابدعت لا هنت


تقبل خالص التحية

ابن هليل


ابدعت واجزلت بالنصح

حكم و مواعظ رائعة


لله درك

استاذنا الفاضل


ما اروع ما دونت من عبارات النصح والحكمة


تقبل مودتي الصادقة

صح لسانك على هذه الجزالة


تقبل التحية

بن هليل

صح لسانك وبيض الله وجهك على

هذه القصيده المليئه بالحكم والمواعظ

والمشاعر الصادقه والجميله

وأسأل الله ان يفك اسر كل أسير

حفظك الله وادامك قلما يتوهج

بالابداع والتألق ..تقبل تحيتي وتقديري

صح لسانك

يعطيك العافيه على القصيده الوافيه

كلها حكم ومواعظ

ابدعت

صح السانك وعتلاء شانك
دره كتبت من ماء الذهب
جزله من شاعر معروف بجزالته
لك تحياتي وتقديري