ثراك غالي

الإهداء إلى مقام سيدي خادم الحرمين الشريفين حفظه الله

يا خادم البيتين عنــــــكم لا خلا ولا عدم
ــــــــــــــــــــــــــــ جعلك بخير وجعل تفداك العقول الجاهله

ياخادم البيتين حنا للوطن جند وخـــــــدم
ــــــــــــــــــــــــــــ مايرتخي كاهلك مع شعب ٍ قويٍ كاهــله

محبتك منّذ القدم منذً القدم مــــنذُ القـــدم
ــــــــــــــــــــــــــــ الطيب منهل وأنت طيبك كل شعبك ناهله

يوم الشعوب الله يامنّا صابها شر وحدم
ــــــــــــــــــــــــــــ أذهلت عدوانك وقفّت طال عمرك ذاهله

مع خرمة الإبره يناظربك عدوك منصدم
ـــــــــــــــــــــــ يقول:شوف الشعب هذا كيف يعشق عاهله!!

فقلوبنا حبّك قصورٌ شامخه ماتنهــــــدم
ــــــــــــــــــــــــــــ ويمناك غيث وجودك وخيرك سيولٌ داهله

ومن حاول يخرّب بدار العز يبشر بالندم
ــــــــــــــــــــــــــــ الله لايمهل ســــاعته لو الليالي ماهـــــــــله

ثراك غالي ياوطن كنّه لحـــــــم منّا ودم
ــــــــــــــــــــــــــــ نحماك من وقت الهنادي والخيول الصاهله

عليك مايستاهل معاديك لو ماطـــــــآ قــــدم
ــــــــــــــــــــــــــــ وأقول حتى ترابك ليا مات مايستاهــــــلــه



عيضه الثبيتي

حياك الله يا ابا فيصل

وفيت وكفيت والوطن ومليكة لهم مكانة عالية بالقلوب

حفظ الله الملك والوطن والشعب من كل مكروه


ابيض وجة

تقديري

عيضه شيخ الشباب صح السانك والله انت الغالي وابن عم الغالي

يالله يارب انك توفقه دنيا واخره

صح لسانك واعتلا شانك




تقبل التحية

صح لسانك




الله يحفظ الوطن واهله

ابوفيصل صح السانك مليون ولايكفون لاهنت الوطن يستاهل والملك يستاهل
وانت كفو بيض الله وجهك على هالرااااااااااااااااااااااااااااااااااائعه
تحياتي مع فائق الاحترام

ابو فيصل

بيض الله وجهك وصح لسانك

على هذه القصيده الوطنيه

الراقيه والتي تحكي واقع كل

مواطن ...لك التحيه والتقدير

صح لسانك واعتلا شانك قصيدة جزلة

صح لسانك جزلة والوطن وحكامه يستاهلون

بيض الله وجهك قصيدة راقية