ثراك غالي
 

يا خادم البيتين عنــــــكم لا خلا ولا عدم
ــــــــــــــــــــــــــــ جعلك بخير وجعل تفداك العقول الجاهله

ياخادم البيتين حنا للوطن جند وخـــــــدم
ــــــــــــــــــــــــــــ مايرتخي كاهلك مع شعب ٍ قويٍ كاهــله

محبتك منّذ القدم منذً القدم مــــنذُ القـــدم
ــــــــــــــــــــــــــــ الطيب منهل وأنت طيبك كل شعبك ناهله

يوم الشعوب الله يامنّا صابها شر وحدم
ــــــــــــــــــــــــــــ أذهلت عدوانك وقفّت طال عمرك ذاهله

مع خرمة الإبره يناظربك عدوك منصدم
ـــــــــــــــــــــــ يقول:شوف الشعب هذا كيف يعشق عاهله!!

فقلوبنا حبّك قصورٌ شامخه ماتنهــــــدم
ــــــــــــــــــــــــــــ ويمناك غيث وجودك وخيرك سيولٌ داهله

ومن حاول يخرّب بدار العز يبشر بالندم
ــــــــــــــــــــــــــــ الله لايمهل ســــاعته لو الليالي ماهـــــــــله

ثراك غالي ياوطن كنّه لحـــــــم منّا ودم
ــــــــــــــــــــــــــــ نحماك من وقت الهنادي والخيول الصاهله

عليك مايستاهل معاديك لو ماطـــــــآ قــــدم
ــــــــــــــــــــــــــــ وأقول حتى ترابك ليا مات مايستاهــــــلــه



عيضه الثبيتي

رد: ثراك غالي
 

حياك الله يا ابا فيصل

وفيت وكفيت والوطن ومليكة لهم مكانة عالية بالقلوب

حفظ الله الملك والوطن والشعب من كل مكروه


ابيض وجة

تقديري

رد: ثراك غالي
 

عيضه شيخ الشباب صح السانك والله انت الغالي وابن عم الغالي

يالله يارب انك توفقه دنيا واخره

رد: ثراك غالي
 

صح لسانك واعتلا شانك




تقبل التحية

رد: ثراك غالي
 

صح لسانك




الله يحفظ الوطن واهله

رد: ثراك غالي
 

ابوفيصل صح السانك مليون ولايكفون لاهنت الوطن يستاهل والملك يستاهل
وانت كفو بيض الله وجهك على هالرااااااااااااااااااااااااااااااااااائعه
تحياتي مع فائق الاحترام

رد: ثراك غالي
 

ابو فيصل

بيض الله وجهك وصح لسانك

على هذه القصيده الوطنيه

الراقيه والتي تحكي واقع كل

مواطن ...لك التحيه والتقدير

رد: ثراك غالي
 

صح لسانك واعتلا شانك قصيدة جزلة

رد: ثراك غالي
 

صح لسانك جزلة والوطن وحكامه يستاهلون

رد: ثراك غالي
 

بيض الله وجهك قصيدة راقية