وين ادور الوسيمه

الركد الركد

سند ياعرب معه جنون تخاويه=كما الديك يذن لو علاه الجنابه
لكني نويت أكافي الشر وأعطيه=هداد(ن)يهده لا رجع في ركابه

سند مع طريق الحق ماهو بغاويه= ولاهو على الجربا يعلق جرابه
هدادك تجود فيه ماني بباغيه= انا حر ماني كوبج في قطابه

سند بين الشيطان قاضب علابيه=عشانه عمى ما يفك رمز الكتابه
حكمت له مقصورة على شان نرضيه=وعيا من الميذول حضرة جنابه

الله الله

صحت الالسن وبيض الله وجيهكم

وش هالنار اللي نشوفها بابياتكم ههه

العبوا ابروح اجيب الصف واجي

سند دعوجي دايم بعيده مراميه= لكن احتزم دقت طبول الحرابه
سند ماهو بجيعان بالزاد ترشيه= ولا هو بخبل(ن) فالدجا ينسرابه

والنعم فيك يا سند


غط وتمسى على خير بسرح

عطيناك حق(ن)وافي كان تبيه=عطيناك سيف الحق جود نصابه
ومن لا يعرف الصقر بالنار يشويه=يا داب(ن)عمى ماشيء فاده وجابه

ياقايد الفوج تراني مشرف بك على هذا الصبي دعاني وجيته وبعدين ضيعني من حقي وانا تراني ماني بمتعديك ابيك تجيب طلابتي منه والا رفعت دعوى للشيوخ وربي وربه الله

يابن هليل القارحه عندي وانته غطيت لكن والله اني ماافوتك لين يظهر لي من بطن الخطا صواب

روح واسرح ومرجاعك على عمك الفهمي

اقتباس :

ياقايد الفوج تراني مشرف بك على هذا الصبي دعاني وجيته وبعدين ضيعني من حقي وانا تراني ماني بمتعديك ابيك تجيب طلابتي منه والا رفعت دعوى للشيوخ وربي وربه الله

يا سند صل على النبي

اول شي حياك الله ويا مرحبا بك

والشي الثاني , ابقول لك ان ذوي هليل ونعم النسل . اهل دين ومعرفه وما يضيع حقك عندهم

والشي الثالث , انت تبشر اذا لك حق بتاخذه وافي


واذا دعاك مرة ثانيه لا تجيه




اضحك الله سنك يا سند مع هالصبح

وفقكم الله

الاخ سند الفهمي .الغالي بن هليل .صحت الالسن وابدعت وهذا ليس بجديد عندكم تقبلو جزيل الشكر والاحترام