الا ياعتيبه لي علاكم مشاريه= حقوق الخوي والضيف راحت نهابه
انا لي وسيمه روحت فالمهاميه= عيانا بيانا عندكم ياعتابه

الا يا عرب ذا الضيف وش فيه وش فيه=ما باقي ياكود إنه يرمي ثيابه
وأنا قول ذا الفهمي عسى الله يشفيه=مخلي حلاله تشتليه الذيابه

انا مع طريق الحق ماني بمخطيه= وانا اقول فيك الخير وتفك بابه
حلالي مجود ياولد في مرابيه= وجاك السوال ولاتغر الاجابه

حلال التهامي ماني ياهل السوق شاريه=ولا يحمل اللي يعتصب بالعصابه
حلالك دواير والبلا حوف راعيه=وذا لحين جاي مثور(ن)لك طلابه

حلال التهامي تاخذه ثم تهميه= تدسه وراك ولا انت حاسب حسابه
احسبك ومين العلم واثرك حراميه= تعذرب جملنا والنظر في زهابه

لا تظلم بختك أنته على القوم مهديه=لكنك مخالف للنبي والصحابه
أنا ماني بفقران ياهيه يا هيه=فقيدتك عجفا ما تعشي شبابه

وش تقول للفهمي وحضرتك داعيه= اثرها سياسه بينكم ياالقرابه
حضر ضيفكم وازرى حداكم يعشيه= واعيباه ياللي ما يفيده شبابه