قال الثبيتي منبنا طرق غناه=والناس كل يمشي بقد معناه
ربعي ثبيت أهل البيوت المبناه= أهل الكرم والجود في كل الاوقات
وليا لفاهم ضيفهم يكرمونه =الضيف دايم عندهم في مصونه
مايلحقه في العلم شك ومهونه=ولاجاء منهم على الضيف خلات
والجار ماتعمس عليه البصاير=وان بان سره يحفظون السراير
سواير اهل الطيب عن كل ساير=لا يشتكي نقص ولا جاه زلات
وان كان جاهم يشتكي من خطيه=قاموا معه في صبح ولا عشيه
قاموا معه حتى تبين الدعيه=ان كان جات خفاف ولا ثقيلات
وان كان جاه خلاف ماقول ينشاف =وان قول خذفه جات من غير خذاف
لاقاض فيها ولا حاج عراف=راحت وجات وجات مكنها جات
وليا شكا الضيم الدخيل وزبنا=دخيلنا وسط البيوت المبنا
لو الدمي تسيل منهم ومنا=وتشب نار الحرب مافيه حيلات
ناقف معه لن كان شبت شبايب=والخصم يثنا مثل ثني الصعايب
وليا رمانا معطبين العطايب=نرمي بها روس الهداف البعيدات
هاضت علي هجوس بالي وغنيت=وسطر بيوت الشعر عن ربعي ثبيت
قلته وفي شيخ العرب ماتقفيت=يالله ياللي تعلم بالخفيات
صلو على من جاء بنور الرساله=على رسول الحق راع الكماله
اعداد نو بارقه في ضياله=رفرف على روس الجبال الطويلات
التميز
الإهداءات
ربعي ثبيت ( مجالسي )
رد: ربعي ثبيت ( مجالسي )
