يالله يافارج الكربات والشده= يازايل الهم والهوجاس والضيقه
تفرج لمن قامت الايام تحتده= صوب اشهب اللال حتى نشفت ريقه
وسود الليالي تدور وبيحت سده =والله درى عن ردى حظي وتوفيقه
الوقت طوّل وصبري واصلٍ حده= وزود على غير هذا الصبر ماطيقه
على وليفٍ يتل القلب ويشده =شدت مخاليب حرٍ عقب تحليقه
وجدي على شوفته ومصافحة وده = حتى شعاع الصباح يبين تشريقه
شوفه ربيع الفواد وغيبته ضده= وبعده سبايب حزن قلبي وتمزيقه
أغيب عنهم وأطوّل وابطي الرده = مابي حدٍ يدري اني من عشاشيقه
وقابله عندهم بالهجر والصده = اخشى عليه العتب تصفق صوافيقه
ويقول حيى الله اللي غايبٍ مده = وش هالقطيعه وتحرجني تعاليقه
واغض شوفي عنه بالغصب والدّه =وتعبت من دور فلمٍ طال تطبيقه
واذا نظر فيّ بسلوبه ومن جده= اقول سبحان من سوى مخاليقه
عينه خذت من عيون اغلى الهدد لده = تضيّع الرجل عن ممشاه وتعيقه
سودٍ ونظراتها لهل الهوى حده= عزي لمن وقعت فاقصى معاليقه
لاجيتهم ينشرح صدري ومن قده= ون رحت تسمع زفير الصدر وشهيقه
ودعتهم غصب ودموعه على خده =واقفيت طيفه تلاحقني ملاحيقه
والبعد كالسيف من يقوى على حده=شوفوا طعونه وتوقيعه وتصديقه
يالعنبو طاري الفرقا وابو جده =قهواني الموت فــ دلاله واباريقه
قبل امس تضحك لي الدنيا على يده = واليوم كني سجينٍ طال تحقيقه
ياعنك ماعاد في عن بعدهم شده = الله يلم الشمل من عقب تفريقه
فهد بن شعلان
التميز
الإهداءات
وجدي على شوفته
