|
لا لايغرك كثيـر الصمـت .. وسكاتـي ,,خل المشاعر تقول ( الآه ) وإسألهـا ’’ |
يا متعب القلـب قلـي وش غلطاتـي ,,ان كنـت انـا اقـدر اعدلهـا .. بعدلهـا ’’ |
لصرت تجهل عناء الدنيا .. وضيقاتي ,,من دون ماشرح لك اوضاعي تأملها ’’ |
الوقت ضدي .. حرمني من ملذاتـي ,,والصد بعـدك ذبـح روحـي .. وكملهـا ’’ |
لا .. لايغرك كثير الصمت .. وسكاتي ,,خل المشاعر تقول ( الآه ) وإسألهـا ’’ |
يسكني الحب .. واضح من عباراتـي ,,وش عـاد لجلـك حروفـي لــو أذللها ’’ |
عذبنـي الشـوق واسرفـت بخيالاتـي ,,روح . ٍ تحبـك دخيلـك ليـه .. تهملـهـا ’’ |
ياليتـك إشـوي تشعـر فـي معانـاتـي ,,دنيـاك يمكـن عليـك تضيـق باكملهـا ’’ |
الحـزن كنـه سفيـري فـي علاقاتـي ,,والهـم خيّـم علـى حالـي .. وطولهـا ’’ |
اغديت دربي وتاهـت فيـك خطواتـي ,,كـل المواعيـد مـدري ليـش تجهلـهـا ’’ |
سنين احـاول وضاعـت كـل حيلاتـي ,,متـدري انـي ( حيـاة الـذّل ) مقبلهـا ’’ |
لجيتـك أسـال وادوّر فيـك ضحكاتـي ,,كنـك تعمـد بيديـك الـيـوم .. تقتلـهـا ’’ |
لا تتـرك الـظـن يلـعـب باحتمـالاتـي ,,الكلمه اللـي تحـزّ بخاطـرك .. قلهـا ’’ |
تعـال شفنـي وحـس بحـال لوعاتـي ,,كـن الدقايـق بدونـك عـام مطولـهـا ’’ |
متى التباشـر بقـدوم ( الغـلا ) تاتـي ,,فرحـة زمانـي بشوفـك مــا تخيلـهـا ’’ |
خـلاص صبـري تعـدى كـل هقـواتـي ,,اتعبـت نفسـي ( اعزيـهـا .. وعللها ) ’’ |
ابيـك تنسـى وتدمـح كــل ( زلاتــي) ,,بعض البشـر صعـب مانقـدر نزعلهـا ’’ |
والحين جيتـك ابمسـح كـل غلطاتـي ,,دنـيــاي دونـــك وربـــي ماتحمـلـهـا ’’ |
|
التميز
الإهداءات
يا متعب القلب قلي وش غلطاتي
