لعنبو مزح الرخوم اللّـي مافيـه الاّ النقـاده
ولعنبوا كثـر المهايـط والمخايـط واللجاجـه
المجالس بعضهـا صـارت يـادادي يـادداده
يـادداده يـاددادي مالـي بطريـاك حـاجـه
السوالف بعضهـا مابـه صـلاح ولا فيـاده
أول الهرجه ضحوك وتالي الهرجـه هماجـه
عادة ً ماخس منهـا ياوجيـه الخيـر عـاده
صار بعض الناس يشبه للمحرّج في حراجـه
وافساد الوقـت الاقشـر وافسـاده وافسـاده
والحظيظ اللي يصون لسانه ويلقـى خراجـه
وخير من بعض الوجيه فراش ولحاف و وساده
لو اصاحب هندي وسندي واخاوي لي خواجـه
الليالـي علمتـنـا واكرمتـنـا بالشـهـاده
صحبة العاقل وسام وصحبة الجاهل سماجـه
التميز
الإهداءات
۞صحبة العاقل وسام وصحبة الجاهل سماجـه...عيضه الثبيتي
رد: ۞صحبة العاقل وسام وصحبة الجاهل سماجـه...عيضه الثبيتي
