ادري بتاليهـا عليّـه مــردك..؟؟؟

جديد الشاعرة:نسمة غلا

بمطلع العام 1429هـ

اسمع كلام الحـره اللـي تـودك=ان كان تبغاها على طول تغليـك
يحق لـك مـادام مافيـه قـدك=تزعل وتتغلى على شان اراضيك
نصيحتي ياشيخ لايطـول صـدك=اعقل تـرا والله لاروّح واخليـك
ايه اعشقك بجنون واحـب يـدك=واحب حتى ارضٍ مشتها مواطيك
لكن ليـا زودتهـا قلـت حـدك=وقف ترى مليت زايـد تجافيـك
لابنت عمٍ لك ولا اعـرق بجـدك=لكن احبك حب من قلب واغليـك
ان كان غيري ياهوى البال سدك=اباطلب الله فـي حياتـك يهنيـك
ابانسحب بشويش لو كـان ودك=مادمت بايعني فلا يمكن اشريـك
ادري بتاليهـا عليّـه مــردك=لابار بـك وقتـك ودارت لياليـك
تندم ليامن يمي الشـوق شـدك=تحتار في امرك وتصفق باياديـك
نذرٍ علـي انـي لصـدك واردك=لني ليا قفيت من قلبـي امحيـك
لو كان دمعك سال من فوق خدك=باقول انا لك حالفه مالتفت فيـك
لكـن خلاصتهـا ترانـي اعـدك=اقرب من الاقراب والروح تفديك
لا لا تقول الحين بيحـت سـدك=توي عرفت اللي خفى من خوافيك
ماقصدي اشقى بين جزرك ومدك=هذا فقـط انـذار ياليـت يكفيـك

رد ملكي

قصيدة روعة

تسلم على النقل المميز

لك

كل

التقدير

مشكور على الرد الجميل

والله إنها قصيدة بلحيل جميلة

لك

تقديري

ان كان غيري ياهوى البال سدك
اباطلب الله فـي حياتـك يهنيـك
ابانسحب بشويش لو كـان ودك
مادمت بايعني فلا يمكن اشريـك
ادري بتاليهـا علـيّـه مــردك


صح لسانك بن هليل قصيده ولا اروع

يعطيك العافيه على النقل

عذبة الالحان


الف شكر لمرورك العطر

لك

كل الود والتقدير

يا سلام عليك

بارع بالاختيار

قصيدة روعة


لك

تقديري